一直都好想寫番個BLOG..但奈何我真係一個極懶只愛玩既人.. :-P 無好既文章、 無好既題材、 無好既文筆、 無好既編輯、亦無好既書寫排序照片乜都無… 只能夠諗到乜就寫乜。 由讀書到而加出黎做野年幾， 無論係去旅行、食飯、扮靚等等既資訊，全部都唔係睇書就係上網睇番黎..以前有xanga都話會打下文..但到而加真係無寫好耐..做左CD-ROM咁耐，一路都多得網上各位無私分享先令我地慳番唔少(去旅行唔一定要買書既, 化妝品護膚品唔睇左網上comment先咪好易中伏…) :-D 既然人地幫我慳唔少，咁諗諗下齋袋唔付出咪好過份,,,所以我決定要互惠互利人地出雞我咪出番少少豉油俾你囉 我縱然唔係最敗家最多資訊既，但唔多唔少應該有少少用掛。 好啦…咁不如講下我以後既blog會講咩先啦..話明我最愛食野旅行又貪靚…咁又點少得呢類分享先…得閒又講下酒講下生活趣事咁都唔錯。而且我係係公司裡面被喻為咩都買一餐既敗家女…而屋企又確係有3大個櫃桶放罝我買既化妝品護膚品-,-“ 所以我第一篇分享文章就以護膚品開始先啦之後又會講下我去旅行既遊記.. 佛羅倫斯的日落 - 圖文不符
