話說朋友仔介紹咗我去食一間和牛燒肉店，仲要係放題咁食喎，聽到都覺得開心，要即刻訂位試一試佢，4人同行一齊食和牛，仲送龍蝦刺身添呀。我決定下次叫哂啲fd 一齊去 一去到時候，服務員已經好親切咁帶我埋枱同介紹下佢地嘅餐廳啦，仲會送一個和牛拼盤，建議我地食咗先，邊隻啱食就先叫，非常細心，唔會做成浪費，讚👍🏻👍🏻和牛方面又真係好多唔同部位，後腰肉，牛冧呢啲次一等嘅部位都有得食，但質素完全唔會比下去，夠哂牛肉味當然牛頸脊，牛小排呢啲靚部位就一定唔少得，非常腍滑，油脂香味湧出嚟，好食到牛叫😂，醬汁上有個燒肉汁去一齊食，甜甜地，令到肉味好出。唔鐘意嘅朋友都有岩鹽同黑胡椒可以落，唔怕燒肉準搶哂啲味道啦。 和牛之外，佢地嘅魚生都好新鮮架，三文魚，赤身，帶子，赤蝦都非常鮮甜，而貝類都非常爽口。 有肉就要有埋海鮮先開心架嘛，送埋一個海鮮拼盤，有蝦有鮑魚帶子同埋甲羅燒呀。帶子同蝦都好新鮮，鮮味同清甜，鮑魚都好腍，加少少鹽就已經好好味。 其實佢地仲有好多其他嘢食架，前菜，炸物，壽司樣樣有，全部都係即叫即整，唔會係整定一叫就有，保證新鮮👍🏻 食咁多肉，都要食啲菜嘅，佢個和牛沙律出好好啦，沙律菜清新爽脆，加埋個沙律醋酸酸甜甜，完全解膩。飯同烏冬佢地都有，但熊仔已經食到飽飽啦，下次再嚟試下先，絕對可以再戰呀仲有仲有，每人有杯movenpick 雪糕架😚😚
