相信呢間馬來西亞過江龍係香港一啲都唔陌生。因為正正銅鑼灣就有一間。但點解到要介紹返，因為係Sydney 來講已經係一間好好食嘅"中餐館"。有時Gumii homesick 嘅時候都會想食下啲唐人嘢geh~ 我哋今日就去咗Paramatta 嘅一間Papparich。Papparich 都好多間分店。而Paramatta 呢一區仲有好多唔同種類餐廳。 呢度來Central 一d都唔遠。坐火車到係28minute, 仲唔使轉車!!! 其實，如果唔想成日住City area嘅酒店, Paramatta 都開在好多新酒店。呢度都係一個不錯嘅選擇。最緊要係比City area 平好多。 呢間Papparich 比起其他分店來講，已經係細啦。我哋6:15pm 來到都要等位。不過都係等咗20分鐘到。(我哋7個人，等大枱係耐d~)。我哋見啲人都係好快食完就走。仲見到好多人買外賣走tim 啊>v< 見門面唔應該係唔夠人。我哋見到有落單紙，咁就自己來啦。 我哋叫啲飲品好快到。首先由馬拉拉茶講起啦。由於Gumii細佬係馬來西亞exchange 過，就話呢度啲拉茶同當地有少少唔同，不過都接近。最大份別就係無咁甜。係當地個d都偏甜。呢一杯Ice Teh Tarik $4.20 AUD。 之後上咗杯SoyMilk+Black Sesame Ice Cream $6.90AUD。 芝麻雪糕好重芝麻味。配埋豆漿有啲甜。如果豆漿無糖就好啦。 跟住呢杯Soya Milk pudding, $5.90AUD。呢杯好飲呀。 好啦，飲到7788 就上餐。啲飲品變咗前菜。個晚特然間好想食飯，咁就叫咗個海南雞飯 $14.90. 由於我哋太肚餓，話咁快就食晒......最後食就係啲牙菜lol 個湯值得一讚，真 雞湯來。飲得出唔係味精湯。啲海南雞就, 普通啦。 之後重點推介。Beef Rendang Roti $14.90。來食馬拉嘢，一定要食Roti。d roti dip 落啲醬，就算唔食啲牛肉都好好食。紅色個啲醬有啲辣。Gumii 唔食得辣嘅關係，淨係食橙色個款醬。鹹鹹地，配啲甜甜嘅roti 好食。 呢個Tendori Chicken Roti $14.90AUD。都係有2款醬。白色個款有d 似yogurt，同roti 配搭有小小奇怪。不過個tendori chicken 係好食嘅。酸酸甜甜。合格。 等咗最耐嘅串燒終於到。Mix Satay $25.90AUD。有6條雞串同6條牛串。係好食嘅，啱啱出爐熱辣辣。dip 落啲橙色醬都多好搭。不過Gumii 都係鐘意dip 落d roti 到食jet~ 由於我哋等串燒等得太肚餓，我哋叫多咗個Wat Tan Hor $14.90AUD。者係滑蛋河。係好食嘅。但又Gumii 覺得滑蛋河呢個價錢係貴咗少少。 Overall Papparich 係唔差嘅。都有7/10 (純粹個人意見)。有小小分開比咗落個景到。因為呢間係正Paramatta station 隔離。望到啲人來人往嘅地方，嘆番杯咖啡，係舒服嘅。 Address: Shop 2185A/159-175 Church St, Parramatta NSW 2150, Australia ♫ Follow me ♫ Facebook: https://www.facebook.com/gumii.kwm/ Instagram: https://www.instagram.com/gumii.kwm/ Website: https://gumiiaustralia.store/
