不得了,呢排澳洲啲薯片公司唔知係唔係夏天嘅關係,係咁出啲新口味嘅Chips。食到勁熱氣。但係身為零食控嘅我,出咗新口味就心思思想試。今次買咗Smith 嘅taste of summer。 食完成件事都summer 咗~ 相信Smith嘅薯片大家都唔陌生。香港各大超市都有得賣。賣嘅都係主打嘅味道-original, vinegar 個啲。番茄醬, 咁咪又啫係叫Ketchup 薯片, 對香港人黎講唔係新嘢啦。由細食到大。但係澳洲黎講,真係一個新嘗試。 一開咗包薯片果然冇令我失望。好香番茄味。仲好多鹽添~ 越唔健康就越好食架喇~ Gumii已經等唔切,一路影,一路食緊啦~ 每塊size 都幾大塊。曾經有名人講過,越厚嘅薯片係越健康。點解,咪就係因為食多幾塊就會飽。但越薄嘅薯片係會不知不覺咁樣先包食晒。Smith 嘅薯片就係一個好例子。一開,係會成包食晒。(好後悔呀~~~!!!) 總括黎講,Smith taste of summer 呢包薯片係有小小驚喜嘅。因為食落好似食緊點Doritos 三角形薯片啲醬咁嘅味。同香港個款番茄味薯片有小小唔同。內唔內食一次都唔係好過份者~ Price: $38一包 ♫ Follow me ♫ Facebook: https://www.facebook.com/gumii.kwm/ Instagram: https://www.instagram.com/gumii.kwm/ Website: https://gumiiaustralia.store/