澳洲出名除在奶制品之外，仲係出世名嘅咖啡王國。咁當然，啲咖啡豆就ichiban啦。今日我哋會去Toby Estate 既專門店去試下啲咖啡係唔係真係咁正先~ 呢間Toby's Estate Coffee Roasters 係悉尼嘅中環區。好多大firm 同big 4 嘅office 都係呢度附近。咁啱呢間cafe 就係KPMG office 下面。分分鐘坐喺格離嘅就係d 咩咩公司嘅總經理。 （講到好似見到明星咁...) 成個環境好舒服，寫blog 好啱。 咁Gumii 就去買咗杯Black coffee。睇真d 個menu, 原來仲有好多嘢食。但Gumii 仔已經食飽咗lu～ 諗住嘆杯咖啡就算lu~ 一杯Black Coffee （$3.50AUD), d色水同Starbucks 嘅Americano有啲唔同。同行嘅朋友仔就話邊有得同Starbucks 比架... 買完咖啡仲可以做會員。儲分可以換免費咖啡。正呀~ Gumii 仔飲完杯Black Coffee 覺得好好飲，就決定去買佢啲咖啡豆返公司慢慢嘆。但自己乜都唔識。個度有好多唔同種類嘅咖啡豆。好彩有個店員見到我哋好迷惑感企咗係度，過來介紹邊款啱我哋飲，邊款好飲。最後，買咗嘅其實唔係得呢三包。呢d 係拎來送人嘅~ 返到屋企急不及待咁去開咗一包來飲。每一包嘅包裝都好特別。每一包都有唔同嘅口味。好啦。今日就開Daterra Caipora. 每包得230g, 應該都好快飲晒。 睇得出啲豆比較淺色，因為係medium roast。 Medium Roast 嘅咖啡係偏酸，就整番杯試下先。 仲完出來，唔知點解整唔返好似喺Cafe 飲過杯咁。 不過因為Gumii 比較鐘意飲Dark Roast, 呢包Medium Roast 咖啡就送咗畀同事。呢位同事讚不絕口。話好好飲咁話喎...Gumii 真係唔識欣賞。自好開返Dark Roast 個包來飲。。。 來澳洲嘅朋友仔，不得不推介嘅就係呢個brand嘅咖啡店同咖啡豆。細細包買返香港做手信真係會開心死d同事。。。間Cafe 啲蛋糕聽聞都好出名。下次先再試。 Address:200 Barangaroo Avenue, Barangaroo, Sydney, NSW, Australia Opening Hours: Weekdays: 7AM-4:30pm; Weekends: Close ♫ Follow me ♫ Facebook: https://www.facebook.com/gumii.kwm/ Instagram: https://www.instagram.com/gumii.kwm/ Website: https://gumiiaustralia.store/
