話說， Top Ryde 嚟個地方話係舊區又唔係舊區，話新又唔係新。但係入面個商場就大到一個點。呢個Top Ryde Shopping Centre 入面有齊晒啲係澳洲必買嘅嘢。唔知係唔係係香港實在太多人，去邊都咁多人。見到d無咩人嘅地方就唔捨得走。行成日都無人理～ Top Ryde Shopping Centre 會建議揸車嚟。呢度來火車站比較遠。坐巴士來會放便d。由City 坐30-40分鐘巴士就到。 入面有間世外桃源，有好嘢就當然要同大家share 啦。Gumii 本身好鐘意飲咖啡，再加上澳洲係文法之國。飲咖啡飲到中咗毒咁。一到星期日就當然去扮下文青啦。呢一間Rashays 係Top Ryde 開咗無耐，晚飯嘅時候都坐滿晒。d 嘢食嘅口碑都幾好，所以咁日決定一試。 成間鋪頭都係Open kitchen. 一座地已經聞到好香嘅嘢食香味。 成間Cafe都唔算大， 呢區唐人又真係多d 嘅 （Sorry 啊妹妹，影到你上鏡） 入到去，可能我哋早到，d waiter 好似唔係好夠人。唯有Gumii 自己拎menu 睇下有d 咩食啦。一本食嘢menu，一本drink menu。 d 嘢食colourful到~ 好靚。文青生活本應就係咁。拎住本書，食啲好靚嘅嘢，再加多杯咖啡。(講到有d 港女feel tim~ hehe) 都最後，Gumii 仔叫咗個French Toast ($13.90AUD)。d 法包上有蛋汁一齊整，再加d 啲士多啤梨同藍梅。好好食。不過食咗一塊半就開始飽啦T_T 不過真係好好食，所以最後成碟食晒。飽都係咁話。 同行嘅朋友仔就叫咗個Juicy Stea－k ($17.9AUD) , 無辦法啦，朋友仔食完要返工。見到佢個牛扒同薯條又好想食埋一份。份牛扒好Juicy, d 肉一d 都唔un, 煮得啱啱好。d 薯條嫁緊家唔使講。新鮮炸完出來。啲Tomato sauce 都唔少嘢，入面真係有啲Tomato 係度。新鮮整嘅Tomato sauce. 食完就當然叫返杯Long Black ($3.90AUD)。隻杯真幾特別。 朋友就叫咗杯Chocolate Milkshake ($7.90AUD) 。Gumii 就覺得d cream 多咗d, 不過朋友仔話好好飲，朱古力味好出。 全Sydney 都好多分店。Lunch 來呢度都可以唔駛排隊。夜晚嚟就最好Book 枱啦~ Address: Top Ryde City Shopping Centre Level L1, Shop MM14, Devlin St & Blaxland, RoadTop Ryde NSW 2112Australia Website: https://www.rashays.com/ Booking: 可以上佢哋個網book 枱 ♫ Follow me ♫ Facebook: https://www.facebook.com/gumii.kwm/ Instagram: https://www.instagram.com/gumii.kwm/ Website: https://gumiiaustralia.store/
