講起歐美界，大家除左諗起女明星身材好好之外，一定都會諗起佢地Top Model咁既身高。但其實唔係個個都係你地想像咁中咁高，佢地既真實身高都好親民嫁！ - - 每次講起呢個話題，第一時間都會醒起憑住一首Problem紅爆全球既Ariana Grande。 - 平時睇佢啲相 or MV都可能會知佢其實都係細細粒唔高，不過你話佢Below 155cm又真係下左出黎。93年出世既Ariana 身高大約around 153 to 155 cm，甚至比好多香港女仔仲要矮，不過Ariana Grande獨有一門著衫技巧，利用比例去增強高挑既視覺效果。 - - - 睇返佢平日既Fashion，都一定離不開高到上天既高爭鞋，好短既迷你裙 or 短褲，Low cut露出鎖骨，扎起長馬尾公主頭。呢一Type既Fashion就好似係Ariana既專利咁，基本上佢每次出Show都係類似呢類Mix and Match。 - - - Ariana 既腳雖然唔算好瘦，但肥瘦均稱，配上短裙 plus高爭鞋，就立即拉長左佢既比例。但值得一提『長筒靴』係Ariana 舞台必備既Item，對於腿型唔夠直，O型腳，又抑或小腿有肌肉既SIS黎講，長筒靴就係令你視覺效果腿型變直既神器，所以歐美界好多女星都靠佢令自己睇落去更瘦更高。 不過 長筒靴係香港就唔係好HIT，大家都係參考返Ariana 紅地毯既Fashion啦。 - - - 『散裙』都係Ariana 至愛既Fashion，可以修飾大Pat Pat，又突出腰線。不過裙既長度一定要岩岩好！唔係講笑，Ariana 條條裙都好似係攞尺度既咁準，Exactly係嗰個長度就嗰個，唔露得太多又唔準露得少。度岩一個最令腳顯長既長度，佢每一套裙都係依嗰個長度比例去Mix and Match。 - - 其實大家都可以參考下Ariana 式既長馬尾公主頭。『沒有對比沒有傷害。』放低頭髮既Ariana 同扎左馬尾既Ariana 比，的確係後者更Young更Match佢既年齡同image。 - 歐美紅星多不勝數，而呢個髮式就令Ariana更容易被人辨認，更成為左佢個人既ICON。((查實有時佢放返低頭髮又真係突然認佢唔到嫁喎)) - 其實唔係個個女明星都168, 170咁高既，而身高只有153 既Ariana Grande就係一個好好既代表，為我地呢啲身高唔夠160既女仔平反一下！所以話，只要係平日配搭上分小小心思，比例就立即好睇好多嫁喇！:) 姊妹們加油阿！(哈比族小編我也是T_T)
