話「得閒飲嘢」嘅九成都係應酬無下文,但聽日愚人節,約實你聽日飲嘢嘅是咪仲驚呢? :p 一講到「飲嘢」,通常會聯想到social應酬? 不過其實我們日日都要飲嘢 - 飲水飲茶飲咖啡飲湯飲果汁飲汽水…... 都啱嘅,人體70%是水份,「飲嘢」的確很重要,不過今日不是想和大家分享“如何飲得健康”,反而想大家留意一吓,用甚麼「裝嘢飲」 我估各位在家或辦公室都有自己的杯,已很少用即棄紙杯是嗎? 而現在很多咖啡店都歡迎自備杯子,甚至有咖啡杯寄存服務。於2010年,本地也有6個咖啡集團(近三百間分店)成立綠色咖啡聯盟,鼓勵自備或重用咖啡杯,亦有大型咖啡店回收咖啡杯的膠蓋,這也有助一分力去減輕塑膠棄置的問題。 香港咖啡文化促進會 – 綠色咖啡聯盟: http://hkccea.org/2010/07/22/green/ 膠蓋回收: www.facebook.com/hkcroton/photos/a.121736474507857.21579.121248584556646/1246610808687079/?type=3&theater 但如果你問:「凍飲點算呀?仲有枝飲筒喎!」雖然我也不太主張凍飲嘅,對身體唔好麻,不過身邊很多朋友在夏天都要飲凍飲止渴,尤其食晏時候,走到落街排隊等食已經很熱,食完飯又唔會夠時間去泳棚游水,所以就靠呢杯救命凍飲。其實現在也多了朋友關注環保,很多時都不用飲管(我都係鍾意叫佢做飲“筒”),當然,如果不用飲筒就最好,但有冰的凍飲,不用飲筒硬係好似爭少少,而小編剛剛發現有支飲筒幾好用: 很多時講“環保小產品”,都首先會想 – 是否實用呢? 冇錯,最忌本末倒置、多餘不實用,但這支可重用嘅飲筒,我左思又想,都係決定買! 因為我是會帶水樽出街的,所以多一枝飲筒不會太多,而這種不銹鋼材料應該都安全耐用(試一排如果發覺唔得再話你地知:D),但我覺得最好的優點,就是用金屬飲筒,飲凍飲特別涼快,就算叫“少冰”都已經夠降溫,真係唔錯,而且都只係$15一支,價錢好合理! 個樣咁靚,希望唔好俾人炒貴啦! 加$5仲有支刷俾你清潔,好貼心,好抵死 *_* 有興趣可聯絡《收皮Saupei》www.facebook.com/saupei (記得源頭減廢最重要呀) 聽日食晏時,餐飲叫杯「凍奶茶走筒」,希望侍應不會以為我整蠱佢啦 :p