2014年4月27日(第一天) 其實今次去希臘, 係妹妹釘衝出亞洲既第一站, 妹妹釘有3個地方係希望人生一定要去一次既! 分別係希臘 , 聖誕老人村, 同睇動物大燒賣(即 : 動物大遷徙)!~所以出發前真係好鬼緊張呀! 好啦!~~開始入正題啦 如果去希臘既機多數都係凌晨機黎, 目的地係雅典 ! 由香港飛約9小時先到(多哈) , 之後逗留約2小時, 再飛5個半小時先到(雅典), 係呢程機臨降落時, 因為落緊雨, 有氣流所以泡左幾下, 就因為咁我呢個細膽鬼又嚇到喊! (真係次次都要流下眼淚先安樂) 不過我聽人講, 如果搭多個5個鐘既機, 正常都會遇一次, 係咪真嫁...?? 講返正題先-因為我早買機票, 所以轉機等2小時到, 係最方便!! 係希臘遇到既香港朋友, 佢地遲BOOK機票, 要等成6-7小時!!有D就係杜拜轉機, 所以最好早D訂機票會可以慳番好多時間!~~ 因為我地第一晚係住米島, 所以就算到左雅典機場都仲要等6小時搭內陸機, 我地就唔好彩啦, 本來諗住有成5-6個鐘去行下outlet啦, 但撞著星期日, 係冇開嫁...傷心死, 不過我都會提供2個OUTLET既網址比大家既, 聽講D野好平嫁!! 1) http://www.factory.gr/factoryReport.asp?ITMID=8&LANG=EN 2) http://www.mcarthurglen.com/gr/mcarthurglen-athens/gr/ 雅典個機場雖然唔算細, 但就唔係好多野行, 我同男人食完野就搵個位休息下啦, 諗住執下D行李, 之後搞笑野就發生啦, 我係男人個袋入面搵到樣野 點解去希臘帶台北既旅遊書..??係咪玩野呀..??真係笑死人啦, 唔知好嬲定好笑... 5點幾上機, 大約1個小時機程, 米島個機場好迷你, 拎完行李就走得!~ 一出機場, 酒店既叔叔已經等緊我地啦, 番到去已經7點幾, 超級累, 立刻沖番個涼先, 食埋飯就訓LU!! 酒店就等下一篇先再講啦...BYE
