星期日同家姐去咗W hotel食Brunch buffet ❣️7-8月做緊每個星期唔同主題，食物款式超豐富有齊10款海鮮任食，仲有原隻芝士焗龍蝦😍現場仲有大廚即席表演🔥，有得睇有得食👨🏻🍳. 🌟表演環節每個星期日都會有特別表演，今次廚師即場燒原條牛肋骨🥩，同即燒甜品杯❥ 牛肋骨肉質軟嫩又夠香，配上刈包同黑醋汁，好食❣️. 🔻海鮮區10款海鮮：凍龍蝦、小龍蝦、蟹腳、麵包蟹、藍青口、青口、鮮蝦、清酒鮑魚、翡翠螺同花螺❥最正係凍龍蝦🦞肉質鮮味又彈牙❣️；麵包蟹蟹膏甘香🧡；蟹腳鮮嫩；其他海鮮都唔錯，唯一係青口冇鮮味🥹❥另外每人有一隻龍蝦🦞✨，可以揀蒸/燒/焗推薦芝士忌廉焗，味道鮮甜肉質又彈牙🤤，必食！. 🔻刺身/壽司區6款刺身：三文魚、吞拿魚、油甘魚、帶子、甜蝦同八爪魚帶子同甜蝦鮮甜；三文魚肥美；可惜吞拿魚冇鮮味試咗大廚推介嘅Dry dip取代豉油，鹹鹹地幾有趣😎.🔻前菜/沙律區5款芝士🧀️，大部份都係軟身，夠香滑！另外5款火腿發揮正常冷盤仲有吞拿魚/油甘魚刺身同牛肉他他，喺其他buffet比較少見 🤘🏻.點擊圖片放大 +2 🔻熱葷區有好多配合東南亞主題嘅特色菜，包括：海南雞飯、燕麥蝦、星洲辣椒炒蟹、肉骨茶、冬陰功、巴東和牛、串燒、印度酥皮烤雞飯等等。❥海南雞飯雖然俾咗雞胸位，不過唔嚡口，軟綿嘅香飯配埋黑醬油同薑蓉好食😋！❥炒蟹惹味🦀，肉質夠鮮味，正！❥巴東和牛肥美軟腍，油脂甘香🐂❥印度酥皮烤雞飯好重印度香料味，烤雞嫩滑，幾有特色❥三巴魚肉燒得比較木實又唔夠香，唔推薦❌❥ 3款肉類包括：牛扒、泰式香茅燒豬腩肉同羊架牛肉顏色粉嫩都唔錯🥩；羊架過熟，豬腩肉太韌，呢2款都令人失望另外中菜方面仲有超大塊嘅花膠、燒味、滷水、同點心. 🔻甜品區甜品有蛋糕🧁、馬卡龍、果仁酥餅、檸檬撻、朱古力等等，選擇都唔少，賣相靚之餘味道都唔錯🫶🏻泰式甜品只有斑蘭千層糕同夜香西米糕，不過呢2款都好淡味可以唔洗試另外仲有即整pancake，可以自己家配料同醬料雪糕有6款Häagen-Dazs雪糕任食🍦。.暑假仲有個特別優惠！加$50 就可以3款啤酒中任揀一款🍻.總結嚟講呢個buffet選擇多，而且質素真心好，不過相對上個價錢比較貴，拍得住晚市自助餐。如果有budget又想食餐好，呢個係個好選擇👍🏻.7-8月星期日自助早午餐主題：⭐️6/8/2023 地中海風情⭐️13/8/2023 魅力墨西哥🇲🇽⭐️20/8/2023 地道巴西燒烤🇧🇷⭐️27/8/2023 東南亞滋味.❣️星期日自助早午餐📅供應日子：7月2日至8月27日⏰供應時間：中午12時至下午3時正💰價錢：成人$798➕10%；小童$498➕10%（配無限任飲指定汽水及果汁🍹）成人$999➕10%（配無限任飲指定香檳、紅白酒、啤酒、汽水及果汁）🔗訂座網站：https://www.whongkong-shop.com..KITCHEN (尖沙咀)尖沙咀柯士甸道西1號港鐵九龍站香港W酒店6樓.#草根食buffet #草根食在尖沙咀.IG URL: https://www.instagram.com/p/CvUmbcurVjt/?utm_source=ig_web_copy_link&igshid=MzRlODBiNWFlZA==......#HKBuffet #Buffet #自助餐 #自助早午餐 #weekend #brunchbuffet #海鮮自助餐 #龍蝦自助餐 #酒店自助餐 #尖沙咀 #尖沙咀美食 #酒店 #Whotel #暑假 #lobster #seafood #sushi #dessert #cake #sweet #hongkong #hk #香港 #海鮮 #icecream #lobster #龍蝦 #cheese #東南亞 @elementshk @whotels @w_hotel_hk @whongkong
