星期日出咗呢間youtube,未睇快啲睇番😆.之前已經好想試中環街市1-O-N cafe bar嘅tea set，諗緊幾時去嗰陣發現最近佢哋喺南灣如心酒店開咗間新餐廳🪅，新開幕仲有7折優惠，我哋即刻幫大家試吓先🙌🏻.Buffet以東南亞風味為主題，除咗有海鮮、甜品等自助餐必備菜式之外，仲提供富有東南亞風味嘅海南雞飯、星加坡沙嗲串燒、咖哩蟹同肉骨茶。如果要總結一句就係款式多、味道唔錯、服務好仲有私人包廂，唯一就係冇龍蝦同生蠔，不過做緊7折其實真係超抵食。………………. ………………. ………………. ………………. ……📍東南亞風味自助餐及湯麵吧.🔻海鮮海鮮有5款，包括：小龍蝦🦞、長腳蟹🦀、翡翠螺🐚、青口、鮮蝦🦐。雖然呢到冇生蠔🦪同龍蝦🦞，不過小龍蝦同長腳蟹都有鮮味🙌🏻！翡翠螺同鮮蝦肉質彈牙🐚🦐，至於青口就冇乜鮮味。.🔻刺身&壽司刺身有6款，包括：三文魚、吞拿魚、鯛魚、八爪魚🐙、馬刀貝、赤貝。口感柔軟不過鮮味不足，赤貝唔新鮮🙅🏻♀️。 .🔻冷盤&沙律4款火腿有同煙三文魚🍖都鹹香柔軟，質素幾好‼️3款芝士都係硬芝士🧀，冇我地最愛嘅Brie Cheese好可惜。沙律有好多選擇🥗，芒果牛油果蟹肉沙律係必食！泰式牛肉沙律同水牛芝士波波沙律都唔錯。 .🔻熱葷牛扒肉質軟腍🥩；羊架肉厚骨薄，肉質嫩滑而且羊味濃郁，好食🐏；另外估唔到好容易出事嘅豬肋骨呢度都整得幾好，肉香軟腍夠入味🐷。 沙嗲烤肉串有豬、牛、雞3款選擇，全部都Juicy軟腍🫰🏻，配埋惹味沙嗲汁🧡，正！ .無骨海南雞肉質嫩滑🐓，但油飯唔夠油香。你.馬來西亞肉骨茶味道溫和，雖然唔夠藥材香，不過容易入口，應該適合大眾口味。.另外仲有蒸魚、乳鴿、素食金邊粉、咖喱雞、烤薄餅等等。.🔻 招牌湯麵吧有齊60款配料，包括：牛肉片、豬肉片、自家製餃子、泰式丸類、多款蔬菜同麵類。淨係湯底都有4款包括：越南牛肉湯、喇沙、蕃茄魚湯，應該係我哋見過最齊備嘅自助餐麵檔🍜嗯嗯嗯 .旁邊仲有個廚師即製嘅海皇泡飯，帆立貝、蝦🦐、魚肉🐟同魷魚🦑配上蕃茄湯底泡飯，呢個真係必食😋。.🔻甜品如心酒店出品嘅甜品永遠都唔會令我哋失望😏🤤，可以一次過食盡蝴蝶酥、蛋糕、馬卡龍同Haagen-dazs雪糕🍦。馬卡龍外脆內軟，蝴蝶酥鬆脆又有蜜糖香，超正！點擊圖片放大 . ………………. ………………. ………………. ………………. ……2小時Free-flow暢飲無酒精飲品 ➕$108紅白餐酒、西班牙有氣酒及調酒➕$198獲獎無數、英國頂級氣泡酒➕$298.🔥7折開幕優惠至11月30日⏱時間：6:30-9:30p.m.💰價錢：星期1至4（原價$488➡️$342/成人；原價$368➡️$258/小童）；星期5至日及公眾假期（原價$528➡️$370/成人；原價$388➡️$272/小童）.I-O-N (香港仔)香港仔黃竹坑道55號南灣如心酒店P3樓.#草根食在香港仔 #草根食buffet IG URL: https://www.instagram.com/p/ClQnsTkLO-7/?utm_source=ig_web_copy_link..............#HKBuffet #Buffet #自助餐 #pizza #南灣如心酒店 #自助餐 #晚市自助餐 #酒店自助餐 #香港仔 #香港仔美食 #lobster #seafood#sushi #dessert #cake #sweet #hongkong #hk #香港 #海鮮#meat #自助餐優惠 #icecream #meat #noodles #beef #steak#海南雞 #ninahotelislandsouth @ninahotelislandsouth@ionhongkong
