琴日個post講咗萬麗海景酒店嘅「夏•日祭」staycation 除咗日式主題客房同酒店打卡位🎆 📸其實萬麗咖啡室都推出咗新嘅日式屋台自助餐⛩ .🏮萬麗咖啡室日式屋台自助晚餐🏮.先講加入嘅日式和風元素嘅菜式😍🎎最特別一定係有章魚小丸子🐙、串燒🍢、大阪燒、天婦羅🍤 、日式叉燒豬骨湯拉麵🍜同蟹肉茶碗蒸，甜品仲有紅豆大判燒❤️。 .⭐️必食: 章魚小丸子🍡軟綿綿必食，串燒、天婦羅同茶碗蒸都唔錯✌🏻。紅豆大判燒即叫即整，外層可以任加toppings(我覺得我哋整得好靚又好食😍），中間有紅豆蓉，咬落煙韌，記得要食。⭐️ 拉麵同大阪燒太飽食唔到，不過聽現場其他人講拉麵唔錯，配料有溏心蛋同日式叉燒，湯底熬咗8個鐘好濃郁。.🔻刺身: 有三文魚、油甘魚、吞拿魚、帶子、鮑魚同八爪魚。口感幾柔軟算係正常水準，唯一八爪魚冇咩味。.🔻壽司/卷物: 大概5款選擇，芝士卷味道唔錯！ .🔻海鮮: 有麵包蟹、蜆、翡翠螺、蝦、青口同生蠔。呢個算係全場最失色嘅一環，蜆同青口未能食到有鮮味，至於蠔比較細隻🦪。 .🔻熱食: 全場最出色嘅一環😍⭐️必食: 芝士焗龍蝦🦞配上香濃嘅芝士白汁🧀。鮮味彈牙仲要有膏！由於係任食真係可以食多幾隻。當日嘅燒銀鱈魚一入口基本上就滑入喉嚨，勁嫰滑個個都大贊😍👍🏻！燒白鱔同大蝦香濃惹味，前者肉與軟嫰，後者彈牙，好高質❤️。⭐️熟食大部份都唔錯，另外仲有日式炸豬扒同咖喱等等🍛。點擊圖片放大 🔻肉類：有烤羊髀、燒雞、燒豬肋骨同烤牛肉肉類全部都好大件，羊同豬比較硬🐐🐖，可以skip。烤牛肉唔會好老，係3款中最好食。🔻冷盤：沙律新鮮🥗賣相幾靚，煙三文魚同cold cut 都唔錯，芝士有三款🧀。🔻甜品：全部賣相都幾靚仔，蛋糕有7款，完全冇伏。⭐️ 必食: 芝士蛋糕、柚子蛋糕、抹茶戚風、朱古力mousses cake、芒果芝士蛋糕都做得好好食❤️🔥🍰。⭐️ 櫻花士多啤梨蛋糕同栗子蛋糕相對就冇咁出色。另外仲有水信玄餅、麻糬、甜品杯等等，基本上都係屬於外貌協會，味道唔係重點😂。雪糕係Häagen-Dazs，有6款口味，另外仲有生果🍊🍍，款式唔算多但係都食得滿足。 .整體上款式唔算多，但基本上種類有齊，味道唔錯。熱食最出色，新加嘅日式元素都幾有趣，唯一係凍海鮮部份真係失色咗。坐低後可以揀汽水或者橙汁，另外茶同咖啡都可以自助任飲。.萬麗咖啡室日式屋台自助餐📆供應時間: 29/4-30/6/2022🔻午餐：12-2:30 pm💰價格: 星期1-5 (成人$368，3-11歲小童$218)星期6、日及公眾假期(成人$438，3-11歲小童$238)🔻晚餐: 6:30-9:30 pm💰價格: 星期1-4 (成人$698，3-11歲小童$398)星期5至日及公眾假期(成人$728，3-11歲小童$418).萬麗咖啡室香港萬麗海景酒店M樓.#草根食buffet...Instagram URL: https://www.instagram.com/p/CdahHUkr62w/?igshid=YmMyMTA2M2Y=........... #hotel #香港 #hk #hkig #hongkong #food #meat #staycation #buffet #日本 #Japan #noodles #香港萬麗海景酒店 #萬麗海景酒店 #sushi #自助餐 #香港 #beef #girl #girls #renaissanceharbourviewhotel #icecream #宅渡假 #sweet #oysters #caferenaissance #cake #dessert @renhongkong #cheese #lobster
