第5波疫情爆發後好耐冇食餐好，今次去咗銅鑼灣Cubus 3樓嘅山女魚食鐵板燒🔥。餐廳分咗兩個區域，外面係食Omakase同壽司套餐嘅地方，裝修明亮潔白，同鐵板燒區域有明顯分別。. 今次食嘅係商務二人餐（$1580），比起夜晚食鐵板燒，其實晏晝食鐵板燒性價比真係好高。坐低先上沙律🥗同前菜。. 🔻銀鱈魚外面煎至微脆，食落香口。簡單用鹽同黑椒調味已經能帶出鮮味，魚質油潤嫰滑🐟。如薯片一樣香脆嘅魚皮點埋椒鹽食一流！. 🔻龍蝦半生熟嘅口感鮮嫰彈牙🦞真喺好好食，一份嘅肉量都好飽滿，配上龍蝦膏做醬汁同簡單調味已經好正！. 🔻鵝肝入口即溶軟嫰油潤🦆，食落滿口幸福感😍，配埋微脆嘅多士一齊食油香四溢唔會覺得油膩👍🏻。. 🔻和牛薄燒揀咗3成熟🥩，軟嫰嘅和牛包住香蔥同炸日本青森蒜片🧄，口感細膩豐富，食落仲滿口肉汁。.點擊圖片放大 食完成餐嘅高潮位，仲有用和牛牛脂加上雞蛋、香蔥同蔬菜粒即時炒成嘅炒飯🍚、落咗龍蝦頭去煮嘅麵豉湯同炒雜菜。金黃色嘅炒飯粒粒分明，香口惹味💛，麵豉湯亦比一般飲到嘅更鮮味。. 最後可以揀甜品/咖啡☕️。當日食咗柚子雪葩同芝麻雪糕，前者酸酸甜甜，味道清爽，後者帶微微芝麻香唔會過甜，成餐飯好完滿❤️。.山女魚 (銅鑼灣)銅鑼灣開平道1號Cubus 3樓.#草根食在銅鑼灣#草根食鐵板燒.IG URL: https://www.instagram.com/p/CabGIKVFG6s/?utm_source=ig_web_copy_link................ .________________#hk #hkig #hkiger#yummy #love #hongkong #香港 #meat #dessert #ribeye #friedfood #japan#japanesefood #銅鑼灣美食 #銅鑼灣 #龍蝦 #friedrice #山女魚 #廚師發辦 #日本菜 #日本 #beef #steak #lobster #omakase@yamame_hk @hakuna.mkt #foiegras #teppanyaki #鐵板燒
