多謝正苦令香港人夜晚冇得去堂食，唯有又做外賣妹買埋番去餵飽一家🥡。見呢間係元朗都幾多人食，應該唔會太差就試一試。. 📍芝士肉鬆蛋餅（ $38 ）口感煙韌，中間加咗芝士同肉鬆食落都唔錯。. 📍Oreo紫薯吐司（$46 ）🍠紫薯蓉口感順滑，加上oreo碎食落甜甜哋唔會覺得膩。外層嘅多士烘到脆身🍞，加埋一齊食雖然唔係話好驚喜但都算唔錯。. 📍宇治抹茶麻糬紅豆吐司（ $50 ）吐司中間夾咗抹茶麻糬同紅豆蓉做餡料，紅豆蓉幾香唔會過甜，麻糬口感水嫰但冇抹茶味🍵，整體ok但冇想像中咁突出🙊。. 📍台灣牛肉湯麵（$65 ）牛肉麵用咗手工麵條，湯底濃郁。牛肉有5粒唔算多但好入味，口感幾腍。另外有半隻溏心蛋🐣、生菜同雪菜🥬做配料，食落辣辣哋算係正常發揮。. 📍香腸魯肉乾拌麵（ $52 ）睇落淡色唔似台灣腸，但食落夠味。佢用嘅魯肉冇平日食開嘅咁肥，似係滷過嘅肉碎加上豆卜絲。手工麵條圓潤，撈埋啲餸味道都唔錯。. 📍鹽酥一口雞魯肉飯（$59 ）可能因為喺外賣🥡所以雞粒已經唔脆，份量同味道都ok但就唔夠鹽酥👉🏻👈🏻，加埋魯肉用嚟送飯唔錯！. 📍檸檬風味烤雞鎚（ $40 ）雞鎚有4件🍗，食到啲檸檬嘅清香🍋，雞肉嫰滑好食！. 📍早古拉味炸雞卷（ $46 ）雞卷好肥，食落口感唔多似雞肉，好似包咗啲肥膏咁，唔推薦大家食🙅🏻♀️！. 📍炸澎湖花枝丸（ $34 ）墨魚丸🦑好有咬口，食落鮮味唔錯！.羅東肉焿番 (元朗)元朗鳳翔路69號建輝大廈地下5號舖.#草根食在元朗.IG URL: https://www.instagram.com/p/CY3j4-WFh7p/?utm_source=ig_web_copy_link............... .________________#羅東肉焿番 #台灣 #chicken #魯肉飯 #黄店 #girls #蛋餅 #dessert #girl #chicken #food #hk #hkig #hongkong #香港 #toast #love #黄色經濟圈 #元朗美食 #元朗 #牛肉麵 #noodles #friedchicken #sandwich #sweetpotato #egg #beef #吐司@luodongrougengfan #mochi #matcha
