花墟買完花都已經天黑，喺附近四圍行吓去搵食。見呢間cafe 幾雅緻又唔洗等位就走入去試一試。 . 📍巴斯克式蕃茜炒蜆（$68） 蜆肉鮮甜而且煮得啱啱好，肉質嫰滑，加埋下面嘅醬汁味道就更加豐富，味道幾有驚喜❤️，不過份量唔多。 . 📍烤八爪魚、富有柿、烤茄子蓉、青瓜（$148） 🐙八爪魚表面燒得幾香，但口感好軟冇咗平日八爪魚嘅咬口，感覺怪怪地。失望嘅係調味唔夠鹹，味道單調。旁邊配有富有柿、青瓜同茄子蓉🍆，成個味道感覺太淡👉🏻👈🏻。 . 📍蛋黃醬蟹肉，青瓜 ($38/1件） 脆卜卜嘅炸皮入邊包住蟹肉🦀，薄脆唔油膩，中間嘅蟹肉撈埋沙律鮮甜討好，加埋蛋黃醬食落就更加開胃，不過$38一件就真喺幾貴。 . 📍劍魚腩 Tataki，牛油果蓉，鹽漬西瓜，葵花子（$78） 劍魚腩好肥美🐟，外面燒香咗而且冇煮得過熟。不過調味不足，應該落啲鹽先可以吊起個鮮味🧐。用牛油果醬🥑畫咗個螺旋型嘅畫碟，睇落幾得意😎，旁邊配有葵花籽同鹽漬西瓜🍉，係個幾有趣嘅配搭。 . 📍雞腿卷，墨魚慕絲，紅燈籠椒汁（$148） 雞卷有3件🐓，肉質嫰滑，雞皮燒得好香，中間包住墨魚膠。雖然配有紅燈籠椒汁，但味道都係偏淡咗啲。 . 📍抹茶牛奶（ $45 ） Matcha Latte 抹茶唔太回甘🌿但飲落溫和舒服😌，微甜又夠滑，唔錯。 . 📍 髒髒咖啡（$45） Dirty 上層喺咖啡☕️下層喺牛奶🥛嘅dirty咖啡味好香，飲落順滑而且唔會覺得甜膩🥰。 . 呢間餐廳算喺法式cafe，食物比較細份，但睇得出廚師落咗心機去煮👨🏻🍳，相信喺有心唔用太重調味🧂，走健康少鹽路線，不過我哋食開重口味就有啲唔慣😝，追求健康嘅朋友仔一定會好buy🤟🏻。 . Le Reveur At Flower Market (太子) 太子花園街244-246號惠寧閣地下B號舖 . #草根食在太子 #草根食cafe . IG URL: https://www.instagram.com/p/CXLYVNmlPVZ/?utm_source=ig_web_copy_link . . . . . . . . . . . . . #cafe #steak #meat #pasta #spaghetti #scallops #太子#太子美食 #girl #hkcafe #cafe #milk #beef #cheese #latte #latteart #hk #hkig #hongkong #香港 #pork #gathering #lobster #corn #steak #coffee #farfalle #mocha #risotto @le.reveur.cafe #LeReveurAtFlowerMarket
