呢間餐廳我哋睇住佢出世，由佢一開始食嘅下午茶、盆菜同蛋糕我哋都試過晒，所以對佢特別有感情，今次就嚟食下佢嘅聖誕餐。 . 📍聖誕嚐味晚餐X’Max Dinner 點擊圖片放大 +2 🔶時令聖誕海鮮塔 成個海鮮塔用咗下午茶三層架嘅presentation，睇落好豐富。 煙三文魚沙律：煙三文魚肥美🐟，配上三文魚子食落夠鹹香。 海膽刺身：味道唔鮮，麻麻地🥺。 花蟹：🦀蟹肉普普通通。 美國龍蝦：每人半隻🦞，鮮甜飽滿，口感彈牙🙌🏻，仲要係爆曬膏😋，超班！ 半殼扇貝：原隻刺身級扇貝非常新鮮😍，肉質柔軟又鮮甜。 鮮蝦配辣茄汁：唔算特別鮮味。 翡翠螺：味道好淡唔特別。 加拿大青口：青口有2款，藍青口雖然細粒啲但鮮味較突出。 . 🔸新鮮出爐法國麵包伴橄欖油及黑醋 麵包鬆脆都唔錯。 🔸法國龍蝦湯伴香草蝦丸 龍蝦湯味道濃郁🦞，最重要係個湯夠熱，飲落舒服。 . 🔸威靈頓牛柳配黑菌汁 威靈頓牛柳個份量睇落都幾大，旁邊有好多配菜但全部特色都唔大。威靈頓牛柳外層酥皮焗得好酥脆，內層夾住大量蘑菇、pamara ham同牛柳。雖然蘑菇份量又多又香，加埋西班牙火腿嘅鹹香味道唔錯，但牛柳燒得比較熟🥩，食落老咗啲唔夠軟嫰，有啲失望😞。 . 🔸燒聖誕火雞配椰菜仔，焦糖栗子及雞肝汁e 火雞肉量🦃️都幾多，不過食落較乾又冇咩調味，感覺有待改進。另外配有火腿🐖、椰菜仔，焦糖栗子🌰，整體味道唔係特別出色，可能點意粉🍝會好啲🙈。 . 🔸聖誕樹頭蛋糕 其實個蛋糕先至係呢個餐嘅主菜，唔單止賣相好靚而且味道都好好。食落好濃朱古力味🍫，加埋車厘子醬🍒其實就好似黑森林一樣。旁邊仲有好靚嘅唧花同埋配料，味道同賣相都夠晒精緻✨。 . 🔸茶/咖啡 . 成個set除咗主菜之外其他都令人好滿意，基本上女仔唔食個主菜都已經飽咗，可以直接將個甜品當做main😌🍰相信成餐飯會更高分🤟🏻。我哋今日都將真實嘅感受直接講咗比餐廳聽，希望大家去到嘅時候已經改善咗啦！ . The Charterhouse Causeway Bay 香港灣仔道209-219號地庫1樓 . #草根食在銅鑼灣 #草根聖誕特輯 . Instagram URL: https://www.instagram.com/p/CXI3MIuBKsv/?utm_medium=copy_link . . . . . . . . . #銅鑼灣利景酒店 #TheCharterhouseCausewayBay #陳家廚房 #聖誕嚐味晚餐 #銅鑼灣 #酒店優惠 #周末美食 #打卡 #fusion #銅鑼灣美食 #steak #聖誕節 #聖誕大餐 #christmas #christmasdinnet #causewaybay #christmascake #cake #chicolatecake #lobster #seafood #crab #beef #steak #meat #beefwellington #turkey #xmas #聖誕 @thecharterhousehk @togetda
