@rimk_mk 呢間樓上Cafe嚟講質素算係中上，感覺同荃灣嘅姊妹店差唔多，不過就有更多款式可以選擇😚。食物份量都幾多，價錢嚟講係抵食嘅。. 📍避風塘薯條（$48）避風塘薯條果然係呢度嘅出名菜式🤩，外面炸得香脆🍟，而且好有鑊氣，表面有好多椒鹽仲有原隻辣椒🌶，好有避風塘嘅感覺😚🤟🏻。真心好食，份量又夠多！完全係食唔停口。.點擊圖片放大 📍黃金芝士香辣雞塊（$88）Golden Cheese Spicy Chicken Nuggets 賣相好有睇頭！用把刀🔪插住3大塊炸雞🍗。炸皮調味做得好，仲要喺有小辣，食落非常惹味。另外雞肉嫰滑又醃得入味，真喺做得幾出色❤️。味道有啲似麥當勞嘅香辣雞翼😙，最後再仲加上紅椒粉、沙律醬同大量芝士🧀，邪惡度爆燈但的確好正！.晚市主食加$48可以轉做set，轉左套餐後包龍蝦湯、嘢飲同甜品。 龍蝦湯未算係非常濃郁🦞，不過又的確食到海鮮鮮味而且帶微辣🌶，最緊要係個湯夠晒熱♨️，飲落去味道都唔錯。 📍蟹肉蟹子明太子扁意粉（$128）Linguine Mentaiko Cream Sauce with Crab Meat & Roe明太子意粉基本上嚟到9成人都會叫，粉紅色嘅醬汁充滿少女味🌸，質感creamy。明太子感覺未算強烈，差咗少少風味👉🏻👈🏻，不過相對上冇咁鹹，喺嗰較多人能接受嘅口味。落咗蟹籽增加口感再加上白蘑菇做配料。由於加咗蟹肉🦀，食落的確有鮮味，不過意粉煮得腍咗，呢點可以改善吓。. 📍冬陰功海鮮燴意大利粉（$128）Spaghetti “Tom Yum Kung” with Seafood 冬陰功意粉睇落似番茄意粉🍝，不過味道真係帶微辣。海鮮方面有魷魚圈同大蝦，另外仲加咗車厘茄🍅同雜菌做配料。大蝦爽口🦐，雖然海鮮種類唔多，但味道合格。意粉同樣係偏腍，味道上唔夠明太子意粉突出，唔多覺有泰式風味🇹🇭，整體感覺一般。. 套餐甜品係芝士蛋糕🍰，或者加$7轉做日東卷蛋放題😍。 其實加$7有日東卷蛋放題成件事係真係好抵食，鍾意食呢款甜品嘅其實真係必點🤟。不過食完之後我哋都係覺得餐廳提供嘅柚子芝士蛋糕更加好食😋，柚子味好突出🍊，質感都唔錯。日東卷蛋有7款口味，質感都唔算乾，細細件幾得意，不過味道想像中咁突出，當中都係以朱古力味最好食🍫。. 📍雪糕朱古力（+$15）Chocolate Float📍雙重抹茶雪糕拿鐵（+$15）Double Ice Cream Matcha Latte套餐飲品加$15可以轉做特飲🍹，兩杯都落咗雪糕🍨，飲落夠凍之餘，雪糕令飲品味道更加濃郁，飲落順滑舒服，唔錯。.鍾意甜品嘅特別要留意佢哋每一期推出嘅甜品優惠都唔同‼️真係要去ig睇先知道最新資訊。唯一係Cafe位於2樓不過冇電梯🛗，需要行一條比較窄嘅後樓梯上去，行動不便嘅朋友仔要注意啊⚠️。.R.I.M.K (旺角)旺角豉油街21號昌記大廈2樓B號舖.#草根食在旺角#草根食cafe .IG URL: https://www.instagram.com/p/CRIYakWL8nM/?utm_medium=copy_link................ .________________ #hk #hkig #hkiger#yummy #love #hongkong #Fries #cheese #香港 #meat #frenchfries #旺角美食 #旺角 #pasta #spaghetti #friedchicken #chicken #芝士 #mk#icecream #matcha #cakeroll #cake #Nuggets #RIMK #cafe #mongkok #日東卷蛋
