呢間位於北角嘅kaya位置北角匯,對住北角碼頭嘅無敵大海景,可以一邊食嘢一邊睇住海景🌊,雙重享受😎,都幾relax! . 📍半熟蛋配咖吔多士($46) Soft Boiled Egg with Kaya Toast 咖吔有獨特嘅甜味,配上牛油🧈食別有一番風味😋,旁邊仲有兩粒溫泉蛋🥚,整體幾好食又唔會Heavy!佢有得揀唔配半熟蛋,價錢就更加抵食。 . 📍參岩漿燒豬頸肉($85) Grilled Pork Neck with Sambal 豬頸肉份量合理,而且肉質油潤多汁🐷,軟嫩又唔粗糙。重點係外面燒得惹味,食落唔會覺得油膩。配埋隔離個參岩漿其實真係好出色😚👍🏻,好啱配嚟送飯食。 .點擊圖片放大 +2 📍海南雞飯拼喇沙($108) Hainanese Chicken Rice with Singapore Laksa 雞肉份量唔少,雞皮滑溜好似水晶咁,雞腿肉嫩滑,但雞胸就相對較失色🐥,旁邊有三款醬汁,始終黑醬油最好食😋,又甜又濃郁🤩。呢款同時配有喇沙麵同油飯🍜🍚,份量夠晒滿足。喇沙味道帶辣🌶,香口又惹味。油飯口感唔錯👌🏻,但如果濃味啲會更好食😉。 . 📍新加坡鹹蛋炒龍蝦尾($198) Stir Fried Lobster Tail with Salted Egg Yolk 老實講龍蝦尾嘅肉量唔係算多🦞,但全部被鹹蛋外殼覆蓋,所以食落真係非常惹味,而且感覺唔油,當然如果份量多啲會開心啲。如果想食得經濟啲嘅其實仲有鹹蛋魚皮同鹹蛋雞翼可以揀😏🤟🏻。 . 📍椰汁芋圓($42) Taro Balls with Coconut Milk 芋圓有三個口味,都食得出有分別,口感幾煙韌。另外有紅豆做配料,再拌以椰汁做底🥥,味道都唔錯。 . 📍恐龍蛋($32) Coconut and Teh Tarik 🍨雪糕雪得好實唔易溶,呢點要讚一讚。2球雪糕分別係椰汁🥥同拉茶味,椰汁尤其得我哋歡心🥰,食落清香。下面配有美祿波波增添口感。 . 📍馬來芒果汁配芒果雪糕($42) Mango Ice Cream with Mango Sauce 🥭芒果汁唔會死甜,味道自然,上面配有一球芒果雪糕🍨,係個大人同細路都會中意嘅飲品。 . 📍熱情果芒果沙冰($36) Passion Fruit & Mango Smoothie 芒果汁混合熱情果,飲落酸酸甜甜非常開胃💛。 . 食物同飲品都唔錯,裝修整潔開揚,加上可以對住個海景食嘢😌氣氛同環境都唔錯。當日夜晚都見到有唔少食客。不過好可惜今次食唔到原個椰子雪糕🥥🍨,希望下次有機會再試啦🤟🏻。 . 咖吔 (北角) 北角渣華道123號北角匯2期地下G09號舖 . #草根食在北角 IG URL: https://www.instagram.com/p/CQLU9aHLzpD/?utm_source=ig_web_copy_link . . . . . . . . . . . . . . . . . . . ________________ #hk #hkig #hkiger#yummy #love #hongkong #cheese #香港 #meat #lobster #singapore #malaysia #kaya #toast #egg #海南雞飯 #北角美食 @kayadining #大角咀 #北角 #咖吔 #eggbenedict #egg #bread #girl #chocolate #pork #mango #icecream #hainanesechickenrice #Laksa