已經有一段時間冇食印度菜,突然之間好想回味下異國菜式就去咗上環呢一間都幾多人讚嘅印度餐廳 @basmati_hongkong 試一試。 服務員同老闆都好Nice,老闆識得用廣東話同客人傾偈。當日仲主動幫我哋影咗張相❣️,未食嘢感覺已經好好。 老闆送咗一個前菜小食拼盤俾我哋,一共有3款菜式,可以每樣都試少少😍。炸蔬菜香脆惹味;咖喱角外層脆卜卜,中間包住雜菜,咖喱味香濃🧡;最後嘅薄脆帶鹹味,口感鬆脆又香口,加上附送嘅2款醬汁真喺好好味😋。 . 📍牛油雞 ($88) Butter chicken 食印度菜好多人都會叫嘅菜式🇮🇳!雞肉份量唔少,肉質唔嚡。咖喱甜中帶辣,味道濃郁質感creamy🥘,都幾好食。 .點擊圖片放大 📍芝士薄餅 ($36) Cheese naan Naan食得多,呢款特別在於中間夾左芝士🧀,芝士嘅份量唔算少而且可以拉絲,不過唔夠鹹香。Naan質感厚身,好啱用嚟點咖喱食。 . 📍Poori Bhatura ($32) 呢款係油炸嘅薄餅,啱啱炸出來脹卜卜,非常有趣😙。口感同Naan唔同,較煙韌而且有韌性,同樣用嚟點咖喱食都幾好食。 .點擊圖片放大 📍瑪沙拉羊膝 ($156) Lamb shank 2大件羊膝,肉量非常多,羊味幾濃但係又唔會騷🐏。外層嘅香料味道好香,味道濃郁。近骨位肉質嫰滑而且有膠質,部份外層嘅肉就有啲小嚡,但整體都唔錯。 . 📍印式芝士菠菜 ($88) Palka paneer 完全顛覆咗我哋對蔬菜嘅觀感😳,菠菜完全打蓉🥬,質感似醬或者咖喱多啲,口感creamy,中間仲加咗好多菲達芝士,用嚟配naan都幾好食。 . 📍Rice Pudding 最後已經食到好飽,但係老闆仲送咗個甜品俾我哋☺️。應該係印度嘅傳統特色甜品,以米做主要材料,加上椰絲同椰漿🥥,有獨特嘅甜味。另外表面仲加咗粒好似浸滿蜜糖嘅蛋糕仔,幾有趣。 . 📍芒果酸奶 ($36) Mango lassi 呢間嘅芒果lassi唔會過甜,酸甜味平衡得幾好,芒果味香濃🥭,唔會過杰,的確係幾好飲。 . 📍椰青 ($42) Young coconut 椰青味道清甜🥥而且椰肉嫰滑,不錯。 . 印度皇 (上環) 上環干諾道中137-139號三台商業大廈1樓 . #草根食在尖沙咀 #草根食印度菜 . IG URL: https://www.instagram.com/p/CPp2qWJL6oA/?utm_source=ig_web_copy_link . . . . . . . . . . . . . . . ________________ #Massla #butterchicken #chicken #dumplings #lamb #上環美食 #food #yummy #hk #hkig #hongkong #香港 #meat #love #印度菜 #potato #potatos #curry #naan #Lassi #beef #indianfood #india #上環 #cheese #mangolassi #印度皇 #basmatiindianrestaurant