一向都知銅鑼灣時代廣場頂樓有好多食肆，但平時又真係好少特登上去。今日約咗朋友去食泰菜先知原來上邊都真係有咁多選擇。餐廳空間感大，裝修佈置同座位令人感覺幾舒服😌。令人最印象深刻係餐牌上嘅選擇真係非常多，其中單喺海鮮菜式已經獨自佔有成本餐牌，仲有多款fusion泰國菜🇹🇭，令人花多眼亂😻。 📍鮮蝦炒金邊粉($138)一碟有三隻大蝦，口感彈牙🦐。金邊粉身有咬口，加咗蝦乾、炒蛋、芽菜、菜脯同大蔥去炒，食落幾香口，最後加埋花生碎🥜同青檸汁味道就更加突出。但我哋都係偏向較鍾意平日橙紅色酸味強啲嘅金邊粉🧡，所以覺得如果佢可以調酸啲會更加好食。 📍 泰式鮮海蝦粉絲煲 ($198)🍲粉絲煲分量非常多，完全可以當一個主菜食。粉絲幼身有咬口，味道濃郁，食落帶辣味🌶非常開胃，再配上特製嘅泰式醬汁，味道酸酸地更加清爽。另外配有6隻鮮蝦🦐，彈牙有鮮味，唔錯👍🏻。點擊圖片放大 📍黃咖哩炒新鮮珍寶帶子 ($248)🍛咖喱甜甜地，落咗甜椒、芹菜、蛋🐣同芫荽🌿，食落幾香，味道溫和而且唔辣，應該所有人都食得到😚。上面有三粒珍寶帶子，口感柔軟非常新鮮，冇煮得過熟👍🏻。另外再加$28點咗個薄餅撈咖喱汁食，非常滿足😋。 📍自選椰子雪糕（ $78 ）椰子雪糕好有驚喜😍，以原個椰子做器皿🥥，可以自選2球雪糕同3款配料。雪糕揀咗椰子同朱古力，前者清新；後者濃而不膩🍫。配料揀咗亞答子、糯米同彩色木薯珍珠，3款配料都好有咬口，成個甜品加起嚟十分出色💕。Greyhound Café (時代廣場) (銅鑼灣)銅鑼灣勿地臣街1號時代廣場11樓1104號舖.#草根食在銅鑼灣#草根食泰菜.IG URL: https://www.instagram.com/p/COzy29NFBEV/?utm_source=ig_web_copy_link............ ... #thaifood #泰國 #thai #dessert #sweet #cream #銅鑼灣美食 #cake #thailand #泰菜 #銅鑼灣 #salmon #icecream #chocolate #girl #padthai #teaset #prawn #shirmp #icecream #noodles #pasta #greyhound @hktimessquare @greyhoundcafehk #意粉 #Caviar #lobster #curry #seafood
