母親節就到💖，仔女們諗好同媽子去邊到慶祝未？呀媽為咗同仔女慳荷包，一定話唔中意出街食，籍口可以係五花八門，但同女人話唔中意收花一樣，邊有女人收到花💐唔開心到隻眼都識笑😌？草根就提早同母親👩🏻食咗一餐豐富嘅母親節晚餐，價錢係唔平，但間中帶媽子去享受下都好合理💕因為無論點計，你都冇辦法報答到呢份養育之恩。Happy Mum Happy Life!今次去嘅喺美麗華4樓一間新開嘅潮州菜館， 餐廳以橄欖綠、湖水綠同木系裝修做主調，感覺光潔明亮。適逢母親節仲推出左一款午市同2款晚市母親節菜單，今次我哋點咗最豐富果款同呀媽慶祝😙🤟🏻。 點菜後隨即奉上功夫茶🫖，茶甘味香。敬親恩．晚市套餐（$688） ❣️龍鬚子母中蝦原隻大蝦上面加上蝦膠以及蝦籽🦐，外面包上脆麵再去炸。第一啖入口脆卜卜，由於一早已經去晒殼，所以食落啖啖肉，蝦肉彈牙鮮味，最後加上黑醋味道更加好味😋。點擊圖片放大 ❣️木瓜盅燉燕窩木瓜盅以原個木瓜盛上，中間加入濃湯同燕窩，夠晒矜貴😍。好重要嘅一點係湯保持熱燙♨️，湯一定喺夠熱先會最好味❤️。另外湯嘅份量好多，而且味道香濃，就好似食緊翅湯一樣😍。木瓜燉到腍透，輕易用匙羹就可以食到，香甜好食。 ❣️23頭乾鮑魚伴海參海參炆軟腍滑溜，充滿膠質🥰，重點係吸晒出面醬汁嘅味道，非常出色。冬菇同鮑魚厚身有咬口，不錯👍🏻！ ❣️脆皮炸乳鴿每人半隻乳鴿，厚肉而且肉質唔會乾柴，味道正常未算係好突出。 ❣️魚鱏魚蛋煮紹菜上湯浸紹菜伴以魚蛋、魚片、草菇同沙爆魚肚做配料，喺一道味道清淡健康嘅素菜。 ❣️萬壽果燉雪耳湯水清澈見底，飲落非常清甜，而且有兩大朵雪耳同木瓜，感覺非常滋潤，無論係咩年齡層嘅女士都一定勁中意🥰。 ❣️孝親壽桃、精美生果拼盆食完有哈密瓜同西瓜做甜品🍈🍉，最後仲有一人一個小壽包，不過口感唔鬆軟，需改善。最後服務員會再次奉上功夫茶，總結全餐價錢定價雖然係較高，但的確令人非常飽足，食物亦頗有水準。.滿樂潮州(美麗華廣場) (尖沙咀)尖沙咀彌敦道132號美麗華廣場一期食四方4樓405 號舖.#草根食在尖沙咀#草根食中菜.IG URL: https://www.instagram.com/p/COkb4M9F8Y9/?utm_source=ig_web_copy_link........ ... #prawn #love #dessert #sweet l#tst #tsimshatsuifood #salmon #truffle #chinese #潮州菜 #chinesefood #girl #abalone #燕窩 #cheese #pasta #cake#母親節 #monthersday #mum @moonlok.hk @miraplacehk#滿樂潮州 #進灃管理有限公司#潮州菜 #moonlokchiuchow #chiuchow #buickmanagement #newopening #mothersday #tea
