去過銅鑼灣古今食過後感覺好唔錯😚，得悉觀塘都有分店，咁近城隍廟當然要去試埋。觀塘地鐵站一出行幾分鐘就到，地點上都幾方便。平日去到夜晚都坐滿，睇嚟呢間日本餐廳喺觀塘都好有名氣😆👍。. 📍金龍卷（$88）Golden Dragon Roll (Cream Cheese, Tempura Shrimp, Salmon)芝士，炸蝦，三文魚飯卷中間包住忌廉芝士同炸蝦🍤，置頂放咗三文魚同沙律醬，一共有8小件都唔錯。.📍富士山（$88）Fuji Mountain (Avocado, Crab Fillet, Eel, Chips)牛油果，蟹柳，鰻魚，脆片賣相澎湃😆下面有8件包住鰻魚嘅壽司卷，上面放咗大量疊到成座山咁嘅蟹柳絲🏔。主要食到蟹柳絲嘅甜味🦀，鰻魚唔夠突出，賣相比味道出色。. 📍三文魚頭湯鍋（$88）Salmon Head Soup三文魚湯有驚喜❤️，飲落舒服溫和魚香味重🐟，湯頭呈奶白色🤍但唔油膩。裏面仲有半個三文魚頭同好多三文魚肉，分量慷慨。另外配上豆腐同椰菜，價性比幾高😍👍🏻。. 📍龍捲風沙律（$68）Crazy Salad (Lettuce, Seaweed, Crab Fillet, Chips)呢個沙律相對重味😋👍，而且除咗生菜之外🥬，仲加咗大量蟹柳絲🦀同中華沙律🥗，令口感更加豐富。而且食到落咗幾款唔同嘅醬，惹味之餘仲帶少少辣味，好食。. 📍古今日式餃子（$40）Pan Fried Dumplings 餃子一客6件，外皮可以煎得再脆少少，水準正常，未算好突出。. 📍炸魷魚鬚（$68）Crispy Squid Tentacles 魷魚份量都幾多，外面炸得酥脆，中間煙韌有咬口。. 📍蜘蛛（$85）Spider Roll (Cucumber, Avocado, Crab Fillet, Soft Shell Crab)青瓜，牛油果，蟹柳，軟殼蟹軟殼蟹炸得酥脆但冇油膩感🦀，即使放喺飯卷入邊都冇變腍，再加上牛油果🥑、蟹柳同青瓜🥒增加口感，好食😋。. 📍煙花（$95）Fire Works (Spicy Salmon, Spicy Tuna, Chips)辣味三文魚，辣味吞拿魚，脆片壽司以辣味三文魚、辣味吞拿魚同脆片組成🍣，不過食落完全冇辣味，魚生份量都唔算少，鮮味有待加強。. 📍茄子燒（$35）Eggplant原條茄子🍆加上燒汁同櫻花蝦🦐去燒，味道帶微字辣都幾惹味😋，略為多油但可接受。. 📍網燒牛舌（$48/6件）Japanese BBQ Beef Tongue 6 pcs牛舌有6件，外面燒香，中間爽口有𡁻頭油花豐富食落香口。. 📍日式麻醬豆腐沙律（$75）Japanese Seasame Tofu Salad（Tofu, Lettuce）滑溜嘅豆腐上面加上三文魚子同蟹子，再淋上胡麻醬，沙律菜爽脆🥗，整體上好清新。. 📍日式冷麵（$88）Japanese Cold Ramen冷麵配上叉燒、玉子、芽菜、魚板絲，番茄同蟹柳絲，配料豐富食落唔會寡，食落清爽🍜，加上冷麵汁唔油膩之餘又夠晒味。.如果同銅鑼灣分店相比，呢間嘅沙律好似細份啲，但同時價錢都平少少。賣相方面就感覺銅鑼灣分店較有心機💛，略勝一籌。.古今二 (官塘工業中心) (觀塘)觀塘觀塘道436-446號官塘工業中心4期1樓B室.#草根食在觀塘.IG URL: https://www.instagram.com/p/CNd_DIZlXER/?igshid=7xgwue02jgmy...... ... #foodie #hongkong #food #hk #hkig #hkiger #yummy #美味しい #dessert #香港 #meat #salmon #cheese #dumpling #avocado #sushi #kokonpremium #friedfood #tempura #salmon #觀塘#觀塘美食 #沙律 #salad #japan #壽司#日本 @kokon1010 #古今 #Squid
