#草根食在黃店牧羊少年咖啡館相信好多香港人都食過，最近佢哋嘅分店開到銅鑼灣FashionWalk，裝修型格富時尚感，平日夜晚堂食人流好多，餐廳外長期排着隊。再要加上佢係#黃店 💛，就算多人都要幫襯下啦。 📍黃金鹹蛋忌廉鳳尾蝦意大利粉（$108）Tiger Shrimps Spaghetti in Salted Egg Yolk & Cream Sauce 意粉未上到枱已經好香奶味，醬汁非常濃厚，仲落咗少少鹹蛋黃碎，有沙沙哋嘅口感🐣，唔會過鹹但有強烈嘅鹹蛋味。意粉冇煮得過腍，有咬口再加上翠玉瓜粒，另外旁邊有四隻大蝦🍤，質感爽口彈牙調味適當，非常不錯👍🏻。. 📍千島海鮮薄餅（$138）Seafood Pizza呢度嘅Pizza薄身餅皮🍕，口感偏硬脆，加上幾款芝士🧀、墨魚仔🐙、蟹柳同蝦🦐做配料。墨魚薄脆、蝦肉彈牙，可惜兩者冇做調味，未能夠融入Pizza之中☹️，整體味道比千島醬所主導。老實講草根偏向鍾意煙韌嘅餅底，另外海鮮份量比較少，有改善嘅空間。. 📍炙燒荷蘭汁豬肉扒（$78）Grilled Pork Chop served with Hollandaise 豬肉厚切， Juicy又唔油膩，豬扒表面煎香中間肉質柔軟有彈性🐷，完全冇嚡口嘅感覺，而且有少量香茅味🌿。表面再淋上荷蘭汁，荷蘭汁做得挺身滑溜，顏色好靚💛，最後再用火槍燒過🔥，估唔到個醬同豬扒有幾夾🥰，而且豬扒有兩塊，食得過啊！. 📍日落巴黎-香蕉朱古力窩夫配朱古力雪糕2人用（$108）Sunset in Paris - Banana Waffle with Chocolate Ice-cream窩夫有四件🧇，旁邊配有兩球朱古力雪糕🍨，香蕉🍌同Cream🍦 ，窩夫厚身，食落鬆軟有蛋香🥚，唔會令人覺得飽膩。雪糕朱古力味濃郁，再淋上朱古力醬🍫，好好食啊！份量唔少，兩個女仔share就啱啱好啦❤️！. 📍雜莓芝士蛋糕（$42）Berries Cheesecake 蛋糕上層鋪上雜莓🍓，酸味突出，中間夾住嘅海綿蛋糕比較嚡口🍰，同時Cheesecake嘅比例較少，突出唔到Cheesecake軟滑嘅感覺，味道一般。. 📍朱古力芝士蛋糕（$42）Chocolate Cheesecake 朱古力Cheesecake就出色好多🍫，朱古力濃郁而且質感滑溜，絕對能夠滿足到朱古力迷嘅喜好，呢個值得去食！.呢間分店都保持到水準，鹹點甜點都味道唔錯，去開銅鑼灣都不妨試一試🥰。.牧羊少年咖啡館 (Fashion Walk) (銅鑼灣)銅鑼灣記利佐治街11-19號Fashion Walk地下17號舖.#草根食在銅鑼灣IG URL: https://www.instagram.com/p/CNcRFnOli-d/?igshid=1djn69x2pfedz............. ... #cheesecake #cake #pork #porkchop #黃色經濟圈 #yougurt #dessert #sweet #蛋糕#cream #銅鑼灣美食 #cake #牧羊少年咖啡館 #銅鑼灣 @hkfashionwalk #blueberry @thealchemistcafehk #waffles #icecream #chocolate #healthy #girl #日嚐作樂 #pozza #seafood #cheese #pasta #spaghetti
