將軍澳海旁有幾間餐廳，平日行過都覺得感覺唔錯，有機會都想逐間試晒佢。今次就先試呢一間意大利mix西班牙嘅餐廳。呢間餐廳食物唔錯👍🏻，價錢唔貴之餘而且份量都比較大，值得推介俾大家😆。.雖然餐廳燈光較暗，但入到去感覺都唔錯，牆身嘅掛畫同裝飾果然有啲西班牙風情🇪🇸。餐廳仲有戶外區，可以喺出邊食嘢。店員全部都係外籍人士，服務態度唔錯，同值得提下食物上菜速度好快，嘢食嚟到都熱辣辣。. 📍Mexican Nachos ($115)烤乾酪辣味玉米片價錢雖然睇落唔平，但份量真係比足你，3-4分都唔成問題。Nacho本身調味足，份量又多，另外加上大量嘅芝士🧀、乳酪、牛油果蓉🥑同番茄沙沙🍅，真係會令人食唔停口✌️。.點擊圖片放大 +2 📍Beef Lasagna($135)意式千層闊條麵單睇埋相都見到芝士份量好多🧀，用差輕輕拉起已經可以拉絲，😍。千層麵煮到好軟身，加埋肉醬口感好夾，肉醬一定係用咗牛肉碎🐃，牛味濃郁，而蕃茄亦唔會過酸，整體味道平衡得好，唔錯👍🏻. 📍 Mardi Gras ($130 for 10”)狂歡節薄餅Pizza有得揀10吋/12吋，厚底或者薄底。10吋都夠2-3人分，今次揀嘅薄底Pizza🍕，襯熱食口感真係脆脆地。至於toppings嘅組合都係第一次見，有蘑菇、薯仔、甜辣醬、菠菜、燒雞同酸忌廉。估唔到食落口感同味道都真係超夾❤️。酸忌廉同甜辣醬可以話係成個Pizza嘅靈魂，酸酸甜甜嘅味道十分惹味，令人越食越開胃😋。. 📍Rocky Road Chocolate ($58)石板階朱古力蛋糕朱古力蛋糕上面溶咗層朱古力去痴住滿滿嘅綿花糖，食落都唔會過甜，旁邊仲配有一球雲呢拿雪糕🍨，未算係好特出，正常水準。. 📍Chocolate Cheesecake ($62)朱古力芝士蛋糕呢個cheesecake有驚喜🍰，不單係口感順滑，而且朱古力味濃郁🍫，下面仲有oreo餅底，好食呀🥰。.📍Apple Juice.A Tavola Bar & Grill (將軍澳)將軍澳唐俊街23號澳南海岸MONTEREY PLACE 地下G08號舖.#草根食在將軍澳.IG URL: https://www.instagram.com/p/CGmjbKclpVh/?utm_source=ig_web_copy_link........__________________#burger #meat #foodie #hongkong #food #hk #hkig #hkiger #yummy #美味しい #香港 #pasta #noodles #baked #tomato #Mexican #beef #千層麵 #Lasagna #cheese #sweet #tko #將軍澳 #將軍澳美食 #nachos @atavolabar #beedlasagna #atavolabarandgrill #pizza #italian
