今個週末去左邊呢? :D 見天氣都幾好;走左去「石澳」 又唔係夏天;又無得曬太陽,走去有咩玩呢? 今次唔係去石澳泳灘，而係去石澳泳灘後面既[ 海角郊遊區 ] & [ 大頭洲 ] 可能好多人都黎過;不過我都想介紹返其他未黎過既朋友 :) 其實香港有好多野玩同埋有好多好靚既地方嫁。 雖然又可能好多人都介紹呢個地方, 不過我相信每個人分享既事和物都不一樣的。 --------------------------------------------------------------------------------------------------- 首先介紹下我既目的地先啦;就係呢到→「粉藍色情人橋」 我特別鐘意呢個地方，所以一有時間都會走黎呢到行下吹下海風睇下浪。 點黎呢個地方呢? 首先→坐港鐵去到「筲箕灣站」, 到左之後去A3出口巴士總站, 轉新巴 9 號巴士石澳總站落車。 眨下眼好快就到啦～呢到就係巴士總站。 呢棟兩層建築既巴士站,原來已經有半世紀既歷史嫁啦! 當年因為地方偏遠,所以就起左呢棟建築比站長休息。 之後沿住[石澳村路] , 一路行一路行, 會經過村屋 石澳村原來已經有百年歷史嫁啦;建築同裝飾都具有西方設計;色彩繽紛; 每間屋都會精心佈置, 臨近聖誕特別有聖誕既氣氛; 感覺就好似去左歐洲小鎮咁:D 再行前去, 會見到呢間石屋, 呢到既建築;忍唔住停留一陣影返幾張相! 呢到經常有攝影師都黎呢到拍戲取境嫁:P (拍過咩戲就要自己搜尋下啦:P) 之後沿住石澳山仔盡頭就會到「石澳海角郊遊區」 一落樓梯就會見到個大海。 停留左係到睇浪.....影下相.....聽下海浪聲。 目的地就係---> 「粉藍色情人橋」呢到係唔少香港人拍攝婚紗相既熱門地方:) 條橋主要係通往「大頭洲」; 大頭洲係個無人居住既島! 呢到有好多岩石同峭壁;仲有行山既路徑... 上面有個觀景亭可以坐底睇下風景望下大海。 因為面積都比較細, 所以行左半個鐘就行返落去lu。 觀看大頭洲浪花飛濺, 海岸岩壁侵蝕的地貌, 呢到既岩石已經歷左1.4 億年既侵蝕嫁啦! 一對新人正在拍攝婚紗相:) 經過長時期風化及海浪侵蝕;已經形成了不同形狀岩石。 走上了這座大岩石上望著一片大海。 如果假期唔想去多人既地方,呢個地方都係一個唔錯既選擇:) 影相, 望著海, 聽聽海浪聲,輕輕鬆鬆簡單又過了一天 。 臨走嘆返個下午茶先走...... ----------------------------------------------------------------------------------------------------------- 如果大家下次去完我介紹既地方;影左d相可以tag返我instagram/facebook嫁! 可以大家互相交流下呀嗎:D～ ------------------------------------------------------------------------------------------------------------ 大家可以去到我instagram睇睇其他介紹&分享:) 多謝支持 :-D 給我一個like啦:-D thank you instagram: http://instagram.com/grasslands_ facebook: https://www.facebook.com/fakeyamagirl.grasslands Email: grasslands23@yahoo.com.hk
