星期一至星期五都係返工,放工,返工同放工! 實在太沉悶了， 所以一到週末就去郊外，呼吸下新鮮空氣。 放低煩惱，簡簡單單輕輕鬆鬆又一day:) 放假唔知去邊好? 香港話大唔大話細唔細，所以想同大家分享下香港都有好多地方可以去玩。 有d地方你都可能去過，但都想同未去過既朋友分享下:) 今個星期走到西貢逛一逛，主要去既地方就係 [ 鹽田梓村 ] ，我都係第一次去呢個地方，十分期待。 去[鹽田梓]首先就要去到鑽石山地鐵站乘 92 號巴士或彩虹地鐵站坐 1A 小巴到西貢碼頭! 去到西貢碼頭會見到通記酒家前面就可以坐街渡前往鹽田仔。街渡來回票價$45/位 因為回程最後一班船期係下午5點，所以早少少入去比較好。[星期一至五時段要查清楚時間啊～] 購票後比張心形「鹽」字貼紙作記認，憑這貼紙，遊客才可參觀鹽田，文物館... 大約15分鐘就落船lu..遠望見到聖若瑟堂， 原來這個地方已近三百年歷史，全村也是信奉天主教。 一落船就好多靚景影相，岩曬鐘意影相但係唔識影相既我。 沿路會見到有間村公所改建既茶座，一場黎到點可以唔食由村民做既客家茶粿,羅漢果茶同洛神花。 行行下就見到鹽田，會有好多個牌介紹做鹽既過程，都係第一次睇點樣做鹽嫁咋! 食就食得多，原來要做咁多步驟先完成嫁! 結晶品～鹽粒。 聖約瑟教堂附近是一間荒廢的學校名為[澄波學校] 已經變成鹽田仔的文物陳列室 主要介紹鹽田既農具、村民的家居用品等等... 沿路見到一間軍訓學校 見到一個很有歷史既水井，現時井水仍然很清澈的! 行下行下去到分別左邊係玉帶橋，右邊就係返返去鹽田碼頭個邊。 最後去到尾聲了... 全程逗留左都大約2個小時:) 總結: 環境很清靜，景點都有好多，幾適合情侶，帶埋小朋友一家人黎參觀下。 instagram: grasslands_ facebook: grasslands
