政府資助東張西望繼續上網搜查有用資訊，為廣大本地中小企揭露各種科技券陷阱!今期我地上左自稱「全港第一」「最資深」「最完善」既最勁科技券顧問公司 - 香港資助顧問有限公司網站，睇左一篇最新博客文章《 2023科技券申請解難專輯》，雖然文中大部份既篇章都可以係其他地方搵到，主要係科技券官網或者佢地旗下既網站到自我複製，但好彩都被我地東張搵到新發現。 文章中有一段係講點解要搵經驗豐富既科技券顧問，有一段就話明，係申請科技券既過程中，科技券顧問可以同政府部門進行聯繫，令到個申請順順利利。各位請留意返，科技券申請指引寫明，申請公司需要委派公司負責人或者熟悉運作既員工作為項目統籌員，以作為與創新科技署既主要聯繫人。申請公司根本唔可以搵第三方代表同創新科技署聯絡。香港資助顧問有限公司呢個論點，其實係違反左申請指引，如果被人發現，輕則取消申請資格，重則刑事起訴。呢個可以話係到目前為止2023年最大既科技券陷阱，我地東張會繼續努力為大家搜查更多政府資助陷阱，幫大家催吉避兇。遠離科技券陷阱，請持續留意政府資助東張西望。
