政府資助東張西望繼續上網尋找最騎呢最爆笑既政府資助趣聞，今期就有:最最最最最勁既科技券顧問我地一齊睇真D! 自稱全港第一既科技券一條龍服務 HKEasyFund (由香港資助顧問有限公司攪既)。其實做顧問就做顧問啦，乜野「全港第一」呀?游水跑步就話有最快啫，幫人申請政府資助都有分架咩? 咁殯儀館都不如話自己「全港第一」啦，呢個真係九唔搭八。不過HKEasyFund都未算勁，佢老細香港資助顧問有限公司先係極品!! 香港資助顧問有限公司號稱科技券成功率100%(不過D申請俾政府話作價太高，要減個申請人既資助)，咁都算啦，講真你之前300單成功，唔代表我搵你就一定成功既。重點來啦：最短的提交申請時間全港最資深的顧問最完善的管理系統最多的合作夥伴嘩嘩嘩，咁堅? 樣樣都第一，點計出來架? 無人知喎。嘉士伯都只係「可能係最好既啤酒」，呢D最乜最物，真係任佢up，不如寫埋「最靚仔既科技券顧問」、「最好人既科技券顧問」、「最好笑既科技券顧問」吖。不過好彩，佢無講過「最平」「最抵」，點都好，有請賭俠：「我當堂嚇左一跳，然後得啖笑」
