香港資助顧問有限公司同埋HKEasyFund係2023年2,3月總共出左四篇「BUD成功例子」文章，睇落去幾乎倒模咁倒，我地一齊分析下作者使用左乜野既作文技巧，絕對係政府資助顧問界既標準範文，值得學習。中學作文都有教起承轉合，我地政府資助東張西望馬上睇真D! (不過張banner都好求其，連Title都無改，仲係寫住「12個BUD內地計劃成功例子」)四篇範文標題大約為：BUD拓展澳門成功例子BUD延伸業務到加拿大BUD在英國延續香港神話BUD澳洲體現獅子山精神(其實BUD範文生成器真係有得諗，乜都可以係「BUD」去邊度成功爭取乜乜乜咁)起(開始講述申請公司資料)作者先描述申請公司既基本資料，例如乜名啦，幾時開啦，「專注於」「致力於」做乜咁。 承(加以描述本地的困難)之後作者就以點列方式交代左申請公司係香港市場預到乜野問題，啲問題大約都係：本地市場競爭激烈香港做生意成本好高香港市場規模有限 轉(BUD拓展其他市場的轉機)經過咩全球調查研究乜乜麥嘜，發現左乜野市場有潛力，然後又列點幾個原因，一般又係：當地經濟增長強勁當地人接受新事物當地注重相關產業老實講，呢part算相對有啲創意架啦，起碼真係講返個行業相關既因素，讚! 合(總結返BUD用來做乜都幫到乜)結尾作者就綜合返BUD可以用來做乜點幫到手。真心講，呢Part就梗係個啲架啦，BUD不外乎都係整網站、落廣告、請人、參展、blahblahblah架啦，BUD個支援項目定好哂，你都無得改；BUD預期成效就仲有趣，BUD就梗係Branding, Upgrading, Sales，大家都知有乜用，做岩既野兼慳50%成本吖嘛!講真，個BUD做完係咪一定有成效，邊有包生仔架啦，做生意要天時地理人和配合，下下都大團圓結局咩。(註：幾篇既作者都係資深科技券顧問TerryCheng)
