12月的14及15日，分別是兩口子拍拖／訂婚紀念日，所以每年都會抽其中一天慶祝。今年挑起條筋，重寫陳年蜜月遊記，也希望在這個特別日子，分享遊記最終回！雖然，巴黎尾站是當年甜魔媽媽最期待、然後又最失望的地方.... 當年心聲：去完蜜月，同老公都愛上了法國但不喜巴黎，留了4夜絕對是失策安排；加上老公很多景點都曾參觀過，更沒動力重遊。不過，巴黎的美食的確很多，shopping也是加分環節！舊遊記將景點及飲食分開記錄，今篇則會合併；開始前，又是相同前言：這已是接近十年前的陳年遊記，照片質素較差，同時當中場景及價位未必適宜作旅遊參考。 比原本計劃搭遲一班火車, 再到巴黎已經8點幾 已唔夠時間行羅浮官, o係門口影返張留影就算 羅浮官真係超級大, 行外面都行到累, 難怪好多人o係館內睇到無哂mood, 迷哂路..... 除左mona lisa, 我地對外面金字塔興趣最大 同老公影張合照先~ 9點的羅浮官, 好多人離開 機仔影的夜景 之後去Au Pied de Cocbon食海鮮豬手餐~ 同樣都係旅遊書推介, 依間絕對比 Hippo 好100倍 排隊的人唔少, 好在早於網上訂左位唔駛等! ^^ 法包同洗手盆 又係依D難食多士.. 不過件牛油超香超正, 拎哂去搽法包!! 好甜好飲的白酒, 今次蜜月令老公開始欣賞白酒啦, 正~! 當然少不了老公的至愛, 此店有名的生蠔 cheers~ ^^ 新鮮肥美的生蠔 老公話比馬賽個餐更正, 但稍遜於尼斯 唔錯的魚柳 此店另一特色招牌--奶油烙豬手 皮極香, 肉極嫩, 醬汁香滑滋味, 首啖感覺超級正, 食多幾啖, 就會有D漏... 薯條都好好食, 但太多食唔完 超級飽, 不過此店有心太軟, 仲係特別推介, 點都唔可以錯過! 雖然心太軟份量唔大, 而且一D都熱 不過食落朱古力味超濃郁, 室溫下夾心唔太流但濃厚滑溜, 係冰涼版的享受 伴碟的脆脆仲好鬼好味, 果然好正!! ^^ 飽餐後, 就搭污糟又迷宮似的地鐵返酒店~ DAY 2 酒店當然唔會似古堡 / orange咁溫暖迷人, 盆太陽花算好suprise lu~ 前一晚太夜瞓, 依日遲了起身, 再搭大半個鐘車去凡爾賽 凡爾賽宮算係較期待的一站, 因是少數老公無去過的景點 唔係化? 多人成咁?!?!? @@ 連收費的廁所都多人成咁..... 我地決定去較少人排的收費花園, 因為根據旅遊書, 噴泉表演幾值一睇 可以見到凡爾賽標誌 點擊圖片放大 成個花園面積約係依度20-25倍, 超大! 依part算好靚架啦, 所以影左唔少 仲係花園中 除左part 1 & 2, 其他位都差唔多係咁, 開始覺悶 沿路好多依挺唔靚的佈置 偶爾一D無無謂謂的廣場.. 好差的草皮 跳!! 雖然草地好差, 照樣野餐 去到中間位, 終於有d靚草皮 音樂噴泉會每日3次在此演出, 等下先 噴泉對出有條小運河 餵下鴨先~ 合照, 亮點在後 終於等到表演開始啦~~~~~ 咦, 係咁架咋?? 佢真係冇轉過喎, 只係play唔同的歌... 唯有影張相走人喇~~ 睇完負皮的表演, 再走多陣, 不如走人啦.... 都係入口位最靚, 臨走老公勁影花草... 點擊圖片放大 +2 小失望遊花園後, 冇心機再排主皇宮, 走吧啦 （若日後再都想逛一逛主皇宮，但要早來買票／上網預購票） 反而在凡爾賽宮外, 有好野玩~ ^^ 好難控制呀~~~ 都係老公叻好多~ ^^ 不過收費唔平, 15分鐘5歐, 1個鐘就20歐喇~ 之後搭一個鐘車去返市中心 巴黎市中心的景點真係多+密到爆, 依個係傷兵院 阿歷山大大橋 點擊圖片放大 橋上眺望密密麻麻滿載的渡輪 想過搭, 但 諗起男人的臭汗, 都係唔好喇.... 行過橋有大皇宮 小皇宮 6點幾仲好光好曬好熱, 沿路又好臭又多屎... 雖然遠望鐵塔係幾靚, 但都俾唔到我浪漫感~ @@ 原本想等9點日落, 上塔欣賞夜景, 結果太累作罷... 兩口子提早回酒店一帶搵食, 這晚心思思想食返意菜! 凍肉頭盤 樣一樣但好好食的肉醬意粉 米蘭式炸牛扒就麻麻 幾香滑的panna cotta, 食完要早D返去瞓 DAY 3 去酒店附近睇科學工業城 此程最大的目標其實就係佢! ^^ 點擊圖片放大 科學工業城風光 科學工業城公園 紀念品店特別的商品 逛完去買麵包, 甜品引C人啦~~ 每日食甜品已成指定動作 好大個eclair!! 之後都有再幫襯~~~ 同場加映 -- 法包殺人事件 可憐的受害人, 初買到仲好開心.... 點知, 佢就咁飽死了!!!!!! 又去返市中心區, 依座係唔知係乜塔~ 又係個句: 巴黎景點太多太密, 後來睇到麻木哂! 目標係龐比度藝術中心 中心前廣場的街頭表演 正門入口 幾鍾意場內氣氛 Musee = museum 離奇古怪的creative shop 搭觀光電梯上去展覽館 去到6/F可以睇市內風光, 唔錯呢~ 聖心教堂 (傍晚會去) 又望巴黎鐵塔 展覽內容每月都不同的 會呼吸的cushion? 點擊圖片放大 牙簽堆製作的藝術品 好興地下一堆展品 依堆算唔算數呀?!?! XD 鍾意design的人應該會好鍾意龐比度, 佢的空間運用好正 有不同的show睇 龐比度都算巴黎中幾喜歡的一站, 10歐都抵去架! 睇完主展館, 可以去埋xxx藝術家 (忘了名) 工作室~ 之後去巴黎聖母院 點擊圖片放大 我地做左樣超有文化野 -- 聽巴哈管弦樂!!! 聽後感-----超超超好瞓.... zzzzzz 點擊圖片放大 本來瞓得好舒服開心, 但教堂內依部庸俗的紀念幣機, 加深了對巴黎的反感 兩人因此對聖母院印象麻麻, 不過好多人o係度結婚 / 影婚紗相 另一日聖母院旁的婚車 老公建議去蒙馬特, 個邊氣氛會好D, 冇咁庸俗 蒙馬特的地標--聖心大教堂 又忍唔住餵鴿~~ 同樣都係多人, 聖心比聖母院感覺來得舒服 由聖心可眺望巴黎全景 之前話要日落時分黎, 又係做唔到呀~ 蒙馬特區有超多畫家寫生 幾似喎~ o係畫廊區百年老店--La Cremaillere開餐~ 店內環境幾靚架, 但都係坐outdoor有風味D! 老公又食生蠔, 不過今次水準一般 法式洋蔥湯是香港吃不到的濃郁口味 布根地牛柳 好清新的紅莓蛋糕 食完dinner仲係白晝咁, 咁多日來都始終唔慣... 下山的風光本來唔錯, 但就在此時遇上有人隨地開大... 連日來大小便見唔少了, 值現場開大真係OMG!!! 所以勁唔鍾意巴黎~~~~ @@ 之後去紅磨坊 無乜特別丫, 返去lu DAY 4 去了Latin Quarter, 但打算睇的聖許斯教堂裝修中 轉投焦點去噴泉 巴黎有多間著名甜品店, 當然可唔以錯過啦! 可惜去個日 Debauve et Gallais 又關門, 第n次吃閉門羹..... @@ （其實當時香港也開店了，在銅鑼灣利園，但後來又結業了） 中午拜訪名店 L'Atelier Maitre-Albert (米芝蓮3星名廚Guy Savoy所開) 超豐富的酒庫, 不過lunch冇開酒 成間餐廳都無人o既? 都好, 2個人靜靜地食飯啦 welcome food -- 好味芝士波~ 新鮮出爐, 非常香脆酥軟的水準麵包 又食三文魚, 老公欣賞, 我麻麻 賣相勝於味道的魚柳 我唔識影的直身牛柳, 都係交俾老公 好有肉味, 唔錯的~ 每份主菜都有碟配菜 長條形的心太軟?!? 帶脆口味OK的, 不過都係Au Pied de Cocbon正D 味道唔算差, 但稱唔上好食, 以價錢計都失望架.. 又經過羅浮宮, 不過唔入啦, 要爭取時間shopping! 想玩摩天輪... 又想玩洗衣機, 但都因老公好驚而無去玩 唔緊要, 因為遇上好好味的甜品店--Angelina （當年 Angelina 尚未空降香港，雖然後來也執了...） 有長條型的macarons!! 除左macaron, 佢的栗子塔都超出名超好食!! 又香又脆, 好美味呀~~ ^^ 去shopping喇~!! 名店區的唔知乜塔 途中見到百年老店Ladurée Royale~ 順利買到macarons手信! （當年香港還未開 Ladurée！） 點擊圖片放大 經過協和廣場, 就去到香榭里舍大道~ o係香榭里舍又見到Ladurée~ 又買! 有收獲梗開心, 不過原來禮盒要收3.9歐架 最重要的一站 買左好多野呢, hoho 收獲好豐富呀!!! Shopping 後去嘆咖啡~ 兩口子愛上Nespresso, 全由巴黎開始 當年香港已有分店, 不過唔及巴黎店咁氣派 其實店內唔俾影相, 幾張都係我偷影 :p 佢的咖啡真係好香, espresso都唔會太苦澀, 又細心安排餅乾/曲奇送咖啡~ 拎住戰利品都係早D返酒店, 晚餐又食甜品, haha （應該還有正餐，但找不到照片了） DAY 5 (final day) 早餐又食甜後, 去睇凱旋門 點擊圖片放大 +3 最後的午餐book左Guy Savoy 3星總店 因有早一日麻麻的經歷, 去到決定縮沙... （按：巴黎星店比倫敦貴很多，很多年前的午餐已經要百多歐一位！） 與其食唔知係咪名符其實的米芝蓮, 不如同老公重溫佢大讚的海鮮店--Chez Clement! 餐廳分兩區, 依邊係市集 另一區溫暖小屋, 各有唔同feel 我地坐溫暖小屋區, 但又望到市集, 兩者兼得! ^^ 最後一日喇, lunch都照開酒啦 唔錯的法包 又係生蠔的難食多士 但牛油同sour cream sauce都超正, 又係拎哂去搽法包 焗田螺 -- 田螺正, 墊底的薯仔仲正! 老公的豪華海鮮拼盤 老公激讚生蠔鮮美無比, 但我始終鼓唔起勇氣食 我只幫襯左翡翠螺x1, 青口x1, 半熟蝦x1, 同大量小蝦 仲有訓覺蟹的蟹羔都好好食, 無得頂!! ^o^ 老公超開心呢~ 食完豪華海鮮耕盤, 老公已飽到傻, 主菜由我負責啦 其實依份魚柳好有水準, 比米芝蓮仲好食 食完好飽的海鮮餐, 要左雪葩解滯 最後再嘆杯espresso, 大滿足!! ^^ 去睇埋新凱旋門 點擊圖片放大 又邂逅了PAUL... 又一間百年老店, 專出巨型macaron! 見唔見到size分別呀? 好似burger呢... ^^" 都有正常版 macarons 點都要去一去春天百貨同老佛爺 夜晚9點幾, 係時間去機場退稅, 然後再買過! 好喜歡的 la maison du chocolat~ 最後的戰利品, yeah!!! 真的要上機啦! 法航的海鮮餐 （按：重看舊照比國泰飛倫敦好好多...） 有唔錯的apple crumble! 不過最開心都係有HD食~~ ^^ 就咁, 懷著又愛又恨的心情, 同巴黎講拜拜喇! 後記：終於完成18日遊記，雖然部分行程及景點不算太喜歡（尤其是尾站巴黎，出發前期望太高了），意法又是我們語言太通的國家，多日來平安無事已經要感恩！另外，重溫照片少不了想舊地重遊，特別是南法，但還是先完成明年東歐捷克／奧地利之旅，再慢慢計劃吧～ 延伸閱讀 2009 意大利 + 法國蜜月遊記 ❤ 總結篇 2009 陳年意大利 + 法國蜜月遊記 ⚜ Firenze 佛羅倫斯 ⚜ 2009 陳年意大利 + 法國蜜月遊記 ♰ 比薩半天 Pisa + Siena ♰ 2009 陳年意大利 + 法國蜜月遊記 ✤ Venice 威尼斯 ✤ 2009 陳年意大利 + 法國蜜月遊記 : Milano 米蘭 + Piacenza 2009 陳年意大利 + 法國蜜月遊記 : 蔚藍海岸 Nice + 摩納哥 Monaco 2009 陳年意大利 + 法國蜜月遊記：馬賽 Marseille + 阿維翁 Avignon 2009 陳年意大利 + 法國蜜月遊記：奧朗日 Orange + 古堡 Châteauneuf-du-Pape 預覽及總結＊2014摘星高茶音樂劇5週年倫敦行＊ 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報，可追蹤 甜魔媽媽；欲得知甜魔一家消息，就追蹤 Matthew and Chloe 吧~~
