週三繼續陳年蜜月分享：這天介紹的，是位於普羅旺斯的奧朗日 Orange（但我始終喜歡叫它橙郡），一個地方小小、卻有動人古羅馬古蹟，同時極富普羅旺斯鄉村風味的小鎮，暖和可親的氣氛十分吸引！同時也會記下前往古堡區及入住古堡的超特別經驗！ 開始前，又是相同前言：這已是接近十年前的陳年遊記，照片質素較差，同時當中場景及價位未必適宜作旅遊參考。 一出火車站, 就見到這個可愛標誌~ 地方, 是預期中的充滿鄉土情懷, 很喜歡~ ^^ 小城風光 點擊圖片放大 步往酒店的途中, 已看見古羅馬歌劇院遺蹟 原來古蹟離酒店才2分鐘路程, 好幸福!! 溫暖又親和的酒店 一進門就是廁所, 好搞笑! 不過房間幾大又靚, 好鍾意呀 望出窗台, 盡是清綠怡人的景色 酒店樓下小庭園 庭園留影後就出發喇~ 一出酒店又見古蹟啦! 下午時分熱又焗, 聽朝先黎睇啦 先去醫肚, 依間festival cafe都係lonely planet推介~ 法國菜比意國菜多元化, 依個係藍芝士焗青口 芝味濃烈, 香口不已 (但有人可能覺臭), 好味呀~ 濃郁版carbonara 充滿普羅旺斯風味的奶油煎魚 永遠食唔厭的好味apple tart 在Orange遇見Orange~! ^^ 小城感覺真係好舒服, 不過地方真係好細, 下午同老公決定去逛 Avignon~ ｛遊記已寫好，按此觀看｝ 再返到orange, 已經係8點多~ 由於酒店8點就會落閘, 所以我地要用鎖匙開閘先可入酒店再上房, 搞笑之餘都幾溫馨! ^^ day 2的早上, 天色仍然極靚! 真係好鍾意樓下青翠的小庭園~ 襯返個景, 我又做村姑打扮先~ :p 經過市集, 去睇orange凱旋門~ 去到, 但竟然係裝修中?? 影多張, 就走人啦! 又穿過方才的市集, 更多攤位開檔啦!! 好多薰衣草賣, 如早一個月 (7月) 來到應該見到花田的~ 其他市集風光~ 點擊圖片放大 +2 有豬仔賣添呀~~~~ 唔留連太耐喇, 仲要睇古羅馬劇院呢! 此劇院由古羅馬時代遺留至今, 是世界上最後3個僅存的古羅馬劇場~ 劇院個樣幾似羅馬鬥獸場, 但功能唔太相同, 而且保存得更好 翻新一次後, 直至現今仲有演出~ 好想睇呀!! 劇院真係好大好宏偉, 就算上到最高, 我地的機都唔夠wide... 搞到好想老公買鏡!! 唯有影其他細節位~~~ 點擊圖片放大 +2 場面幾大風下, 幾張相都似癲婆~ ^^" 癲婆同癲佬呀!! XD 又黎影子合照啦! 俾我搵到條冇上鎖的小秘道喎! 行去睇有乜新發現先! 原來係一條上山的路~ 估計有人會從山上爬來劇院, 咁就可以慳返入場費! 由山上高少少再影劇院, 可惜都係影唔哂~ 可以睇下橙郡風光都唔錯丫 繼續行劇院內部~ 佢開發左個幾個迷你劇場, 去睇野啦~~ 黑光劇 DJ房 著名人物showroom 2重螢幕劇場 另外仲有劇院歷史介紹片睇! 睇完劇院同劇場, 又行souvenir shop 俾老公影底發神經一刻添 ^^" 之後就離開orange, 出發去古堡區! 酒店的老闆好好人, 俾我地留底大喼, 所以第3日仲會再返黎orange~ ^^ 法國有超多古堡, 千挑萬選下, 揀左Chateauneuf-de-Pape區內的一間4星古堡入住 我地就係搭依款巴士由orange出發去Chateauneuf-de-Pape~ 預知一陣搵路會勁曬, 老公做足防曬準備! :p 落了車, 四周盡是青綠一片~ 僵屍老公, 我地行喇!! 沿路風光非常秀麗! 點擊圖片放大 +6 依區盛產葡萄酒, 沿路亦有大片葡萄田~ 點擊圖片放大 雖然沿路風光非常優美, 不過我地好似行錯路? 離遠見到古堡, 唔理啦, 穿過葡萄田行過去!! :p 近拍葡萄 偷摘葡萄~!! :P 但唔好食的... 因為行錯路, 用左大半小時先到~ 迎接我倆的參天大樹! 真係好高呀~! 古堡入口 依間古堡唔會太大, 感覺溫馨又舒服 我地的暖色房間 望田園+泳池景, 好正呀~! ^^ 樓下sitting room 餐廳一角 不過我地冇揀依度食飯, 因為田園景仲正呀! 依個就係outdoor田園景, 一陣再慢慢講~ 返房休息一陣, 再出去探索~ 古堡外觀 老公鏡下的古堡景色 點擊圖片放大 +3 又去行葡萄田~ 葡萄纍纍~ 種植葡萄工具庫 好大架車! 疑似薰衣草?? 古堡亦擁有自己酒莊同酒場 酒價不貴, 幾好飲都不過幾十蚊支~ 不過我地無揸車, 費事搬走只即場飲 參觀完一輪, 鬼死咁熱, 去游個靚水先~ 超靚泳池景 再同大家分享一張爆笑圖~ 大床原本係咁o既..... 經老公一搞, 變成咁!?!?!!?!??!!! XD 差不多七點, 落去食古堡晚餐喇~ 餐前小吃 同老公要了一紅一白佐餐~ 新鮮香脆又美味的麵包~ 醬汁清新帶甜, 又鮮美的三文魚卷頭盤 所有野都慢慢來, 可以慢慢欣賞天色變化~ 等待期間, 上房由高影老公先, hehe 老公又照版煮碗~ ^^ 我的主菜 -- 吞拿魚扒配蜜糖汁 老公的主菜 -- 雜菜煮羊膝 依餐點都係食景為主, 2個主菜的味道一般啦~ 同老公合照 天色開始變黑啦~ 深藍的天空 好好食的芝士~ 最後甜品有驚喜 -- 帶脆朱古力餅既濃又滑, 好好食呀!! ^^ 好relax的一餐飯, 食完天色已全黑~ 由房影下去的夜間泳池 同老公臨訓前再飲過~ ^^ 翌日古堡11點就要check-out... 不捨得一定有, 不過留得太耐都幾悶, 拜拜後向Chateauneuf-de-Pape出發~ 今次行o岩路, 15分鐘左右就到喇! ^^" Chateauneuf-de-Pape 區內有極多酒莊 如酒迷到達, 一定超級興奮, 不過當時還未愛上葡萄酒的我地只覺OK啦~ 不如上山睇古蹟啦~ 指定動作 古蹟的後面比前面有睇頭 其實是古代城堡的remains來的~ 由高眺望市內風光 時間差唔多, 返去Orange轉火車! 再一次回到Orange, 拎行李搭火車前, 在酒店樓下的小酒吧食野~ 同老公分左一碟mussel & fries, 超大碟!! 好飽呢~~~~~~ ^o^ 之後就離開迷人的小鄉村, 出發去巴黎了.... 延伸閱讀 2009 意大利 + 法國蜜月遊記 ❤ 總結篇 2009 陳年意大利 + 法國蜜月遊記 ⚜ Firenze 佛羅倫斯 ⚜ 2009 陳年意大利 + 法國蜜月遊記 ♰ 比薩半天 Pisa + Siena ♰ 2009 陳年意大利 + 法國蜜月遊記 ✤ Venice 威尼斯 ✤ 2009 陳年意大利 + 法國蜜月遊記 : Milano 米蘭 + Piacenza 2009 陳年意大利 + 法國蜜月遊記：馬賽 Marseille + 阿維翁 Avignon 預覽及總結＊2014摘星高茶音樂劇5週年倫敦行＊ 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報，可追蹤 甜魔媽媽；欲得知甜魔一家消息，就追蹤 Matthew and Chloe 吧~~
