話說男友十萬個鍾意食燒春雞,所以經常搜羅出面餐廳抵食夾大件的春雞餐。近期無喇喇有股煮食癮,就上網搜尋一下燒春雞的食譜,發現做法簡單而且唔花時間,只要有個焗爐就得架喇﹗ 材料︰(2人份量) 法國春雞 1隻 (約250g,超市就可以找到) 馬鈴薯 1-2個 翠玉瓜 1個 (其實配料視乎個人喜好,可選用紅蘿蔔或長豆) 蒜 1個 橄欖油 1湯匙 鹽及黑胡椒 少許 (用於蔬菜調味) 春雞醃料︰ 迷迭香 1-2條 橄欖油 2湯匙 鹽 1茶匙 黑胡椒 1/2茶匙 做法︰ 1) 焗爐預熱至200度,於烤盤中鋪上一層錫紙 2) 撒上橄欖油,加入已調味的蔬菜 (可預先將馬鈴薯及翠玉瓜煮至半熟) 3) 迷迭香切碎,加入橄欖油、鹽及黑胡椒,用手塗遍整隻雞 4) 將雞放在蔬菜上,以200度焗30-40分鐘,直至雞皮變金黃香脆即成 其他連結︰ ♥ Gourmet Raxxit’s Blogspot ♥ ♥ Gourmet Raxxit’s Facebook ♥