之前已經來過Onion食lunch，非常有驚喜，到宜家仲好記得個starter platter。最近係Facebook見到佢地推出假日brunch，就急不及待要來試試，果然無令我失望﹗ 一望個menu就即刻心心眼，其實係銅鑼灣區真係好難搵到唔過100蚊的brunch，仲要可以望住個馬場景。咩都想食的我梗係揀Onion Grill Up大雜燴喇﹗但好可惜男友最愛的燒雞竟然sold out﹗不過細心的職員即係推介番lunch menu上的原隻法國燒春雞比男友，都只係105蚊咋，仲跟汽水/果汁，實在太抵鳥﹗ 點擊圖片放大 Onion Grill Up夠哂足料，炒滑蛋、煙肉、德國腸、茄汁豆、烤蕃茄、炒雜菌、薯角同英式鬆餅，份量夠多又好食，我諗男仔食都未必食得哂﹗特別鍾意grilled tomato，非常juicy同香口。炒蛋呈半生熟狀態，十分嫩滑﹗唯一美中不足的地方係English muffin無果醬跟，如果有埋就perfect嘞﹗ 男友極力推薦燒春雞，外層雞皮香脆可口，內裡雞肉鮮嫩，原隻上碟夠哂份量，仲有薯角、雜蔬伴菜，真係超級抵食﹗ 所以話食好嘢唔一定要去好高級的餐廳，亦唔一定係貴﹗本地薑一樣有質素有驚喜﹗ Onion 銅鑼灣耀華街3號百樂中心19樓 其他連結︰ ♥ Gourmet Raxxit's Blogspot ♥ ♥ Gourmet Raxxit's Facebook ♥
