上年暑假開業到宜家接近一年,終於一嚐英國型男大廚開的Jamie’s Italian餐廳。一路以來都無乜衝動想來潮聖,1) 因為我唔係Jamie Oliver的粉絲,2) 聽親的comments唔係名過於實就係平平無奇,所以今次來食都無抱太大期望。 因為一早已經訂咗枱,所以一上去就有位,不過樓下亦未見有人排隊。被安排到餐廳較入位置,環境偏暗,不過格調幾好。餐牌設計簡約清晰,有中英文versions,照顧到唔同客人的需要。 首先點咗個cured meat plank,不過waiter哥哥無問我地要幾人份量,最尾就來咗一人portion,不過其實兩個人都夠食既。餐廳所有木板佐食,上枱時都會擺係罐頭上面,感覺幾特別。Plank上分別有4款cured meat︰茴香肉腸、開心果火腿、Prosciutto ham同辣肉腸,味道一般,略鹹。相比cured meat,我比較鍾意旁邊的芝士,三角羊奶芝士配nacho般的薄薄脆片,加埋甜辣椒醬,非常惹味,就連平時唔太食羊奶芝士的我都覺得呢個配搭好食﹗另外,波型的係水牛芝士加橄欖油,味道比起一般的水牛芝士淡,食完醃肉食可以refresh一下。 男友點咗個Hong Kong beer,淡淡地,但麥芽味重,幾好飲。睇返個menu西餐廳來講呢度飲品的價錢其實算幾平,普通cocktail $40-70左右,無酒精飲品$40有找,都幾surprised。 話明呢度的意粉係每日新鮮即做,當然要一試喇﹗無揀到signature的大蝦linguine,揀咗個鮮蟹肉意粉,有蟹肉絲、酸豆、辣椒、鯷魚同檸檬等,個汁酸酸辣辣,有少少似冬蔭功,都幾開胃,不過汁太少,可以多返D。意粉十分彈牙,但味道同一般意粉有少少唔同,食落口感似日式冷中華拉麵,感覺怪怪。 Main course揀咗10安士西冷牛扒*,medium rare。牛扒上枱的時候已經預先切好,外層烤紋分明,內層肉色粉嫩,面頭配上蒜蓉香草牛油醬,有彩虹沙律同薯條做伴菜,賣相非常豐富。牛扒肉質鮮嫩,唔會韌,肉味夠而且都幾juicy,不過juicy到流唒D肉汁出來。香草牛油醬味道較淡,反而牛扒的grill味好重,略帶苦,但整體係幾好食的,加埋港人至愛的薯條伴菜,來到Jamie’s Italian點都要試試。 最後點埋甜品Epic Brownie*,微溫的朱古力brownie外脆內軟,配上淡淡鹽味的海鹽焦糖雪糕同香濃的朱古力醬,口感非常rich,但又唔會太甜,比起平時配雲呢嗱雪糕好味得多。雪糕上同碟邊都灑上焦糖味爆谷,為brownie賣相加分之餘,加埋雪糕一齊食,非常好味。誠意推介呢款甜品:D Jamie’s Italian 銅鑼灣登龍街1-29號金朝陽中心2期Midtown 2樓 * 推介菜式︰10安士西冷牛扒、epic brownie 其他連結︰ ♥ Gourmet Raxxit’s Blogspot ♥ ♥ Gourmet Raxxit’s Facebook ♥