話說男友生日訂咗Mr Steak Buffet a la minute，我自己就第一次食，仲以為真係有好多好正既牛食添﹗雖然都有超級香口好味既和牛片，不過如果多多幾款steak食下就好喇~ 本身訂咗7點半個session ($528)，但係同5點session ($398)個價差太遠，所以最後寧願早D食都好過比咁貴。 一開波黎到已經見到D人排緊生蠔，一向唔好生蠔既我就梗係去攞煎鴨肝同牛喇﹗咁啱個時仲要無人排，正﹗法式煎鴨肝加埋香脆法包真係好好食呀，入口即溶，味道濃而不膩，一定要keep住追加﹗個人建議加埋甜莓醬食，酸酸甜甜更加唔會覺得膩﹗和牛更加唔駛講喇，只怪自己食太少>< 跟住就食下D冷盤，我同男友分頭行事，佢拎prosciutto ham同蜜瓜，我就拎長腳蟹。海鮮冷盤主要有長腳蟹、青口同蝦，款式唔多，不過大家都係專攻蟹腳架喇﹗味道一般，無咩特別。 點擊圖片放大 之後男友排生蠔之際，我就攞刺身，跟手再匯合佢。條生蠔隊之所以咁長係因為師傅即開蠔殼即上碟，每人一次可以攞到5隻唔同產地既蠔，而今日就係下面呢幾款嘞﹗不過呢5款我都唔多鍾意食，有成2、3隻都係海水味極重….重到鹹….一D鮮甜味都無﹗尤其第3隻係鹹到癲….跟呢個次序食唔多okay囉﹗ 點擊圖片放大 刺身反而唔錯，帶子同蝦D好鮮。之後再試埋海膽，味道就一般，有D腥味，如果可以配紫菜食我諗效果會好D~ 因為男友生日既關係，事前我已經同餐廳預留咗份蛋糕同寫賀語，不過侍應係毫無通知下就捧蛋糕出場，真係夠哂surprise@@ 不過件蛋糕既味道真係好麻麻﹗跟住逐漸發現身邊有好多人都捧住碟心太軟又寫哂字咁，先知原來buffet即晚都有呢個service，仲特登有個位專比食客留言添﹗我肯定個心太軟係好食過我地個蛋糕囉﹗不過有呢個玩意又幾好既，人人都可以即興留言祝賀﹗ 點擊圖片放大 另外，因為係正日生日，所以除咗有蛋糕送，餐廳仲送咗張$100 cash coupon比我地，但係下次先用得呢~ 希望有機會再黎喇﹗ 最尾食埋香蕉船至走﹗其實仲有好多甜品，不過真係太飽，食唔到咁多>< ❤ http://gourmetraxxit.blogspot.hk/ ❤
