仲有幾日就萬聖節，大家難得抓住商機，自然不會放過。 除了政府力推既蘭桂芳，其實兩間主題公園都預了當晚會人頭湧湧，當然，一分錢一分貨，比得錢入場，預期會更高。 點擊圖片放大 而且可以係園內四圍走動，總比單向開心得多。 今次就入了海洋公園，體驗了最具氣氛的鬼屋。 點擊圖片放大 +2 簡單提下，園內四間鬼屋要另外收費，其中山上一間由藝人王嘉爾（Jackson Wang）設計。 另外就有園方原創IP角色 Voodoo Boo 的鬼屋。 點擊圖片放大 園內四周除了有演藝人作角色扮演外，亦有不少遊客參與扮埋一份，四周昏暗燈光及擺設加持，尤其是三更半夜身處山頭野嶺，「冤魂野鬼、黑白無常」係身邊游走，驚嚇度爆錶。點擊圖片放大 +2 其實園內仲有好多其他小攤檔比小朋友玩，獎品當然係小朋友最愛既糖果，出手仲好大方，總之務求大家開開心心。 由於海洋公園屬於寵物友善，大家可以帶住深愛嘅毛孩入園，一齊感受萬聖節。 點擊圖片放大 園內幾間餐廳同步推出其間限定「哈囉喂限定主題美食」。 爐炭燒係自己常去的一間餐廳，因為都幾就腳。點擊圖片放大 「通靈拼盤」有骷髏頭田園沙律、巫婆煉製南瓜湯、黑咖哩吉列豬扒飯、印度烤餅、魔法朱古力慕絲帽及指南針曲奇，當享用完後，碟仙盤便會出現，大家不妨同我地班老野一樣玩下。 而以肉丸扮成「暴瘋眼」都幾神似下，而鮮茄扁意粉，有點嚼口，比起往年好多了。 論賣相以「極品咸豬手」最驚嚇，意大利風乾火腿及手指餅打造的骷髏骨，像真度高，放自己隻手一比對，竟然有點相似。 甜品當然少不了，「Voodoo Boo南瓜甜品」在挖空的小南瓜內是西米奶凍。 至於哈囉喂特飲，把紅石榴糖水加橙汁，倒入遇冷變色紀念杯後， Voodoo Boo 的絕密X光片就會神奇透視，大家離開時記得將隻X光杯拎走呀！ 無酒精的「煉金術」以黑加侖子汁製成，你還可灑上金箔糖霜，為特調加入黃金魔法。 如果早入場，猛鬼見光死，仲未出動，當然去探下熊貓，睇下海洋生物啦！點擊圖片放大 +2 山下鬼屋只得一間，選擇在山下列車廣場附近玩埋小遊戲，同Voodoo Boo 合照，睇紙紮公仔跳舞，當然要係小食亭食些少野補充體力。 「Voodoo Boo餓鬼套餐」有啖啖肉豉油皇雞髀或者彈牙爆汁司華力腸，配搭邪惡度爆燈肉醬粟米片，味覺大滿足。 16吋珍寶芝士大熱狗是今次名物，足16吋長，特濃蕃茄肉醬配蘑菇黑松露忌廉汁，相信無乜人可以獨享。 “VOODOO BOO 8+1” 特飲，沖繩海鹽青檸果酒配士多啤梨魔豆，仲包埋可以掛係身上既「限定發光造型紀念樽」，夜晚仲可以當燈用，啱晒。 點擊圖片放大 +3 入夜後山上的詭魅氣氛更濃，遊樂區充斥了來自四方八面的妖魔鬼怪，又有三間鬼屋正在等妳探險，夠好玩了吧！ 因為要爭取時間玩，山上就建議去小食亭充飢。 簡簡單單食個「牛堡寶套餐」（$188）芝士洋蔥牛肉漢堡及炸芝士熱狗棒配薯片，當然又係加添了魔鬼元素啦！ 另一個「豬堡寶套餐」（$188）就是豬肩肉漢堡及迷你熱狗配薯片。 飲品有水晶骷髏頭（$88）仲可以發光，非常有趣，另一杯係「魔鬼爆爆樂」（$78），係益力多雪碧檸檬茶配士多啤梨爆爆豬，味道好特別。 點擊圖片放大 臨走前係山下睇埋大受女士歡迎既Oppa Show，一日只得5場，由1715開始，女士們要抓緊時間。 不過要提提大家，畢竟要玩足上下山兩個園區，一定要有抖足精神先好去呀！ ☆ 特別一提，畢竟羅蘭姐係海洋公園代表人物，當天有羅蘭姐見面會，又真係有不少人排隊。Facebook 專頁 : Ocean Park官方網頁 : 海洋公園地址 : 黃竹坑海洋公園海濱樂園夢幻水都 電話 : 3923 2323 味道 : 5 環境 : 4 服務 : 5 衛生 : 5 抵食 : 4 位置 : 4 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
