太太一班相識多年的閨蜜近年移居中山，所以年中總有幾次拉隊去吃喝玩樂。 之前因為有十幾人，一般都會選擇連鎖酒店，雖然配套設施較差，但“柴娃娃”一晚大家都無乜所謂。今次純粹同太太兩人，當然想對自己好一點。在網上平台找，發覺雙人房包早餐都係$1300左右，已經係假期價，仲要有巴士係沙田出發，直達酒店旁邊，行過去都係幾分鐘，睇落好方便。 早上0955車係沙田希爾頓中心上車，地點同我上去清遠是一樣的。 點擊圖片放大 巴士經深圳灣口岸過關，大約12點半到目的地，前後連埋過關都係2個半小時，都算好快，又無須轉車，好方便。 今次入住華邑酒店，網上風評就一般，我同太太就睇中佢就腳同新淨，而且三月先營業，我相信好多時係流程未run熟，事隔多月，點都會好些小，套票未計車票都係$900左右，已包雙人早餐及下午茶，都抵，一陣講點解。點擊圖片放大 +2 由地下大堂直上47樓辦理手續，前檯幾位都識廣東話，交流不成問題，辦理入住速度都快，而且未到兩點，只要有房都可以辦理入住，真好。 房間係44樓，一開門，窗簾會自動打開，陽光徐徐透入，感覺良好，加上沒有討厭的煙味，滿意度又加分。 點擊圖片放大 偌大的雙人床，軟硬適中。點擊圖片放大 梳洗用品亦一應俱全，浴室是半透明玻璃，相信更適合夫婦或情侶。 點擊圖片放大 +4 酒店旁邊有假日廣場、萬民滙及金鷹廣場。點擊圖片放大 +2 都算多地方食飯同玩。 點擊圖片放大 午餐同朋友先試了假日廣場的「來龍點心」，勁多人，等4人檯足足花了最少一小時。 點擊圖片放大 原先以為人多就好食，但事實我還是太年輕了，很多點心都出事，牛肉球及蝦餃醃至無味，素菜包餡料少，唯一可以讚就得荔枝紅茶，侍應亦反應快，但不會再來了。 點擊圖片放大 趁太太回房梳洗，飲茶亦馬馬虎虎，未夠飽，朋友拉了去當地網紅店「亞金金」食咖哩麵。點擊圖片放大 想不到水準非常高，抵食，而且過了午飯時間，人流稀少，真好。 點擊圖片放大 再約太太及閨蜜回酒店47樓用下午茶，因為在前檯即時辦理入洲際會，送了兩杯welcome drink，所以拉埋朋友一齊食。 點擊圖片放大 其實下午茶都係￥198，但套餐包埋，不過講明要當天享用。 點擊圖片放大 老實講，畢竟是品牌酒店，下午茶的賣相及味道都有水準，說說笑笑又是一個下午。 點擊圖片放大 趁有時間，就去了新開業的按摩店，￥70多元套票又不可以要求太多。點擊圖片放大 仲要有麵條、水餃、甜品、水果及飲品，其實已經好好。 晚上用餐就在旁邊商場的「福盈鴿」。點擊圖片放大 套餐￥180左右，已經有齊鴿湯、臘味飯、菜蔬及滷水乳鴿，又係抵食，但味道上比起上次去「皇鴿」似乎比下去。 第一天是四處跑，實在有點累，但已相約朋友明天去試試酒店附屬酒樓「彩豐樓」。 再分享！KK Day 套票 :https://www.kkday.com/zh-hk/product/594178?cid=19434酒店地址 : 石岐区孙文东路28号完美金鹰广场電話 : 800 902 417想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
