係深圳搵食多年，位於車公廟站附近的金茂JW萬豪既自助餐，可以話係其中一間最受歡迎的，無他，地點就腳，食物有質素同新鮮，種類又多，最難得係CP值，所以基本上每晚都爆場，早排就同太太走了一轉。 Cafe Chinois每次去都爆場，今次同太太要去到旁邊的另一間主打火鍋的餐廳坐，原來餐廳既一半位，都分比自助餐用，係家陣市道下，實在有點誇張。 無他，因為實在抵食，家陣經網上訂位，未計海參烤鴨，單係CAVA任飲同埋游水海鮮，都係收你$400左右一位，睇返如果兩大一細（12歲以下，但無派送菜），就算星期六日，更加係$900有找，係咪好吸引？ 仲有一個加分點，就係大堂一角有兒童天地，都好受小朋友歡迎。鍾意可以睇下KKDay專屬優惠：https://www.kkday.com/zh-hk/product/263286?cid=19434 生蠔 有即開法國及新西蘭生蠔，夠新鮮同埋即開，可能內地客人比真好。 灼海鮮區點擊圖片放大 係今次自助餐一大亮點，好幾個魚缸，放滿了游水海蝦、三點蟹、海蜆同砂石，大廚會定時把海鮮灼熟，夠新鮮及安全了吧？ 如果怕食新鮮生蠔，另外有蒸台山蠔，蠔肉肥美可口，正。 海鮮區 大大隻琵琶蝦，肉質爽彈，食得過。 其他仲有咖啡蟹、扇貝、海蝦、墨魚仔、翡翠螺及青口，比起好多酒店豐富。 刺身 上次食過的熟鵝肝，當然要美夢重溫。 另一款必食的，就係由酒店專用熟成櫃出品的熟成章紅魚。 其他刺身有三文魚、吞拿魚、希靈魚、醋鯖魚及八爪魚。 主廚自製21天熟成牛扒，落單時可要求生熟程度，如果自己一個，我多數會要medium rare，但太太想試又怕生，唯有切邊位比佢試，配上了烤蒜子，好有fine dining feel。 另外仲有兩款位上的食物。 京蔥遼參好滑溜，醬油調較好出色，尤其是蔥香令遼參更可口。點擊圖片放大 想不到北京烤鴨份量好多，賣相完全不似自助餐，就像是去了一間高級烤鴨店用餐，又可以配以不同食法，已經是一個回本位。 熱葷 臘八蒜燒肥腸好強烈的辛香，豬腸乾身肥美，佐酒一流。 糖醋里脊啖啖肉，酸酸甜甜好開胃。 至於秘製水煮肉片、宮爆雞丁以及火爆雙脆，同樣都係以辣為主，大家要量力而為。點擊圖片放大 不過仲有姥爺的帶魚、清炒時蔬、胡同砂鍋丸子及炒飯，都適合怕辣既人。 湯另設專檯的有小吊梨湯，感覺似雪梨水，但清清潤潤幾好吖。 太太就幾鍾意豬肚雞湯，豬肚切成幼條，食用幾方便，而且湯係煮得好濃稠。 加上法式洋蔥湯及清雞湯。 鐵板區 想得出的肉類都有，來一碟香口的煎羊排、煎牛扒、煎金倉魚及煎黃立魚。 點擊圖片放大 其他的有蒜香奶油檸檬蝦、地中海檸檬風味烤鱸魚、諾曼第蘋果烤豬扒、辣奶油燉雞、pizza及骨肉相連。 Cold Cut 及芝士有煙燻新疆紅鱒魚、時蘿草醃漬新疆紅鱒魚、莎樂美腸及雜錦芝士。 當然有DIY 田園沙律。 甜品點擊圖片放大 太太對中式甜品情有獨鍾，所以燕窩蓮子羹同冰糖葫蘆就最啱佢。 杜佰瑞（T'oBeray）有香草冰淇淋、黑芝麻冰淇淋、綠茶冰淇淋、奶油曲奇、巧克力冰淇淋、芒果冰淇淋、草莓冰淇淋以及 Rum Raisin 口味。 當然有我喜歡既德華牌手包紅豆及手包綠豆雪條。 榴槤專區近日深圳興起食榴槤，所以有榴槤專區一點都不奇怪。 當中有榴槤蛋糕、榴槤雲頂泡芙、榴槤飄香及流連慕絲，四種不同風格的榴槤，又真係幾受歡迎。 點擊圖片放大 其他甜品有抹茶朱古力、焦糖榛子朱古力蛋糕、夏日青椰、芒果百香果慕絲、tiramisu、檸檬撻、芒果布甸杯、開心果菠蘿蛋糕、瑪德林及瑞士卷。 自已就一向鍾意食tiramisu，加上芳香馥郁的 開心果菠蘿蛋糕及芒果百香果慕絲，好滿足。 仲有京式甜品及朱古力噴泉。飲品 酒類有紅白酒以及梅酒。 又有自家調製的Mocktail及Cocktail。 啱小朋友有葡萄汁、西瓜汁、蘋果汁及青瓜汁。 其他仲有VOSS的青提葡萄味、青檸生薑味、櫻花白桃味。啤酒、汽水、奶茶同咖啡，又係free flow。 整體而言，性價比好高，而且餐廳一向好受歡迎，今次爆到要用埋另一間餐廳，就知道有幾吸引。味道 : 4 環境 : 4 服務 : 4 衛生 : 4 抵食 : 5 位置 : 5酒店地址 : 深南大道6005号金茂深圳JW萬豪酒店2層想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip歡迎邀請 : stoneage01@hotmail.com希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
