住了深圳多間酒店，有新有舊，但論到太太最鍾意的，就一定係后海的中洲萬豪酒店。 點擊圖片放大 毗鄰有超大型商場，房間光潔明亮，部分更可以睇到日出，非常舒服，而且中餐及自助餐都在水準之上，雖然價錢未必親民，但遇上有網上平台優惠，都是一個好選擇。 自助餐供應日子由星期二至星期日，網上平台由¥434至￥550左右，都係果句，睇日子啦！ KkDay優惠：https://www.kkday.com/zh-hk/product/547514?cid=19434 講真，今次個自助餐供應期去到五月尾，價錢看似未夠親民，但海鮮種類真的多到一個點，睇完介紹就知有幾強。先講三款不在列的美食。 第一樣係烤牛肋骨，肉質真係好嫩同有油香。 其次係芝士焗波士頓龍蝦，每人半隻。 最後係海參小米粥，好綿滑，不錯。 生蠔 雖然同集團另一間都有供應法國及新西蘭生蠔，但似乎中洲萬豪的生蠔體形較大，但兩間都好新鮮，衛生絕不成問題。 海鮮 陣容是罕見的強勁，鮑魚絕非手指頭大小，柔韌有彈性。 羅氏蝦大大隻又多膏，見旁邊夫婦食客每次一大盆羅氏蝦，最少喪食了三盤，戰鬥力驚人，試問若果食物沒有水準，又點會食咁多？點擊圖片放大 其他海鮮仲有海蝦、東風螺、翡翠螺、扇貝、八爪魚、咖啡蟹、青口以及海蜆，足足十款海鮮，一個價錢，齋食生蠔同海鮮都已經回本。 熱葷 最吸睛一定係‘’海鮮大咖‘’。 因為一個幾尺張大盆，放滿了鮑魚、小龍蝦、羅氏蝦、翡翠螺、海螺、三點蟹、青口及八爪魚，置底仲有紅薯粉及萵筍等吸味，完全係食海鮮已經飽。 中式熱葷 金沙羅氏蝦金沙蝦做法，不話換上更多膏既羅氏蝦，邪惡度爆錶，但又真係幾惹味。 黑松露九節蝦今次係九節蝦，加入了黑松露，味道上即時upgrade了，陣陣幽香的感覺真好。 芝士奶油蟹寶其實即係焗蟹蓋，好香芝士味，但食落都幾頂肚，一件起算啦！ 避風塘炒蟹香港名物，辣度可能要遷就大眾口味，有所減低，但依然好香口。 蒜蓉烤生蠔如果怕食生蠔，不如試下蒜蓉烤吖？焗完依然有汁水，蒜蓉配海鮮根本是百搭。 培根生蠔配蕃茄莎莎想多份咸香，可以試下加入煙肉既焗生蠔。 蒜蓉粉絲蒸黃金貝都話蒜蓉粉絲配任何海鮮都無得輸，今次是黃金貝，又是另一番風味。 椒鹽花螺個人極之推介的椒鹽花螺，乾身、入味同埋細細粒，非常入味。 西式熱葷中式熱葷盡是海鮮，食一轉已經大半飽，西式就以肉類為主。 食肉獸就最開心，係人都知戰斧牛扒有幾吸引，家陣係任食。點擊圖片放大 其他有德國烤豬手配酸椰菜、黑松露菌菇豉油拌飯、奶油培根意大利麵、香煎羊丁骨、香煎三文魚、照燒牛舌、豬油渣炒豆角、麻辣海參甲魚燒花膠、羊肉串魷魚串節瓜串烤茄子以及燒牛腸咖哩腸。 個人推薦有嚼口，肉味濃的牛舌同埋骨膠原豐富又惹味既甲魚花膠。 湯 無花果燉排骨好清甜，明顯好夠火喉。 海參拌麵係我每次必要既主食，麵條有嚼勁，大廚調較的醬油又夠惹味，海參軟綿，本身無味，沾上醬油後同樣可口。 如果想簡單一點，大可淥碗麵，加上秘製牛雜、番茄炒蛋、豬肉炸醬或辣椒炒肉。點擊圖片放大 至於辣汁花膠、潮汕醃生蠔、辣汁拌八爪魚以及撈汁花螺，就未必個個敢試。 Carving Station 又係豐富到一個點，肉類有齊牛仔骨、羊架、雞扒、牛扒、羅漢魚、鯛魚、紅衫魚及倉魚，仲要有埋鵝肝，全部都係即煎，睇啱先點。 刺身有三文魚、吞拿魚及希靈魚。 另外，單係三文魚有好多口味，包括了原味煙燻新疆三文魚、橙味煙燻新疆三文魚、紅菜頭新疆三文魚及刁草新疆三文魚。 點擊圖片放大 甜品 雪糕有椰子、抹茶、香草、朱古力、Oreo、芒果、草莓、Rum、海鹽及Tiramisu 等十種口味。點擊圖片放大 有即焗梳乎厘、葡式蛋撻以及焦糖桂花燉香梨都係個人心水。點擊圖片放大 +2 仲有好多以復活節為題材的慕絲蛋糕，賣相跟味道俱佳。 水果種類很多，有楊桃、大樹菠蘿、西柚、蜜瓜、冬棗及人參果。 飲品 本身已經紅白酒可以任飲。 仲有德式小麥啤及百香果味扎啤兩款味道比較特別的啤酒。 如果有小朋友，大可飲蘋果汁、葡萄汁、西柚汁、西瓜汁及哈密瓜汁，總之一定有啱你的。 至於百事可樂、七喜、加多寶、椰樹牌椰汁、屈臣氏湯力水、無糖可樂以及梳打水就更顯得選擇的多樣性。 想飲熱飲亦有港式奶茶以及手打檸檬茶，當然更少不了正常的紅茶咖啡。 計落又真係好豐富，如果係深圳灣出入，過去酒店亦不遠，母親節同媽咪好好食一餐吧！味道 : 4 環境 : 5 服務 : 5 衛生 : 5 抵食 : 4 位置 : 4酒店專頁 : 中洲萬豪酒店酒店地址 : 廣東省深圳海德一道88號電話 : +86 755 8666 6666想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip歡迎與我聯絡 : stoneage01@hotmail.com希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
