屈指一算，又快到母親節，大家找到地方慶祝了嗎？ 好多人都誤以為入海洋公園好遠，其實真係好落後既想法，因為係金鐘地鐵站入去海洋公園站，只係一個站既路程，一出閘已經係海洋公園，如果閣下身處港島，基本上比出旺角更近，再加上六點後入場食飯係免費，有車人士可以免費泊車，完全無須四圍搵車位，係咪一舉幾得？ 今次山下的海龍王餐廳推出「母親節四人晚餐」，供應期由2026年5月1日至10日，由下午五時至晚上八時三十分供應，四位用不過$2580，額外每位另加$645（另加一服務費）。 可以邊食邊睇住碩大的魚缸，過千條魚係面前游動，對啱時間，仲有潛水員餵魚，真係好正。 頭盤 蒜泥青瓜白肉卷蒜混勁多，入口澎湃，拍青瓜帶來清爽的口感，正好平衡了白肉卷的油香。 點擊圖片放大 涼拌青瓜羊肚耳剛才一道滿是肉香，今次是單純的素菜，羊肚耳與青瓜都是爽脆又健康的食材，多吃無妨。 脆皮牛肝菌素鵝素鵝的餡料是牛肝菌，可能掛住拍照，腐皮變得未夠脆，但餡料非常健康。 蝦多士拌魚籽咬落不單香口，油份瀝得清，加上了芝麻更添香氣及口感，不錯。 湯 瑤柱天白菇燉花膠材料佔了湯盅超過一半，原粒瑤柱，半隻手掌大天白花菇以及花膠，燉至軟稔，瑤柱一夾便散，可見所花時間換來的美味，湯色清澈，入口陣陣醇香，美味到一個點。 主菜點擊圖片放大 薑蔥瓦罉粉絲大蝦煲一向重點係粉絲而並不是蝦，無疑虎蝦勁大隻又有蝦膏，但蝦汁同精華通通都給粉絲吸去了，更何況有薑蔥等惹咪材料？ 粉絲不單入味，仲要好乾身，用來送酒一流。 秘製芝麻雞好香口，肉質不覺嚡，雞皮位滿佈芝麻是香口得多，好味。 百合蟹鬆上湯泡菜苗甜美的百合與蟹肉蓋滿碟上，拌和後與新鮮的菜苗一齊食，找不到不好吃的道理。 鮑魚帶子雞粒炒飯餡料多，夠乾身，粒顆分明，層次感重，這個單尾有水準。 甜品 燕窩金箔桂花糕畢竟家陣海洋公園最受歡迎的一定是熊貓兩姊弟，所以壓軸的燕窩金箔桂花糕都是放上一片印有兩姊弟及母親節快樂的白朱古力，真開心。 Facebook 專頁 : Ocean Park Hong Kong 地址: 黃竹坑海洋公園夢幻水都海洋奇觀電話: 39232161 味道 : 4 環境 : 5 服務 : 4 衛生 : 5 抵食 : 4 位置 : 4 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
