今個新年最開心係囝囝由外國返港過年，一於整個假期都捉住佢四圍去。 除了年初一二要拜年外，年初三「赤口」去攝太歲簡直逼到驚，不如入海洋公園行大運，同熊貓拜年。點擊圖片放大 山下既海龍王餐廳同Ginger Grill 都食過好多次，今次就改去Café Ocean（海洋冰室）。 點擊圖片放大 可能地點比較偏，餐廳客人不算多，而且是快餐店形式，先去點餐處點菜，然後等叫號取餐。 找了一張靠玻璃的大檯，午後陽光感覺好舒服。點擊圖片放大 可能是新年關係，菜色都披上了賀年色彩。 迷你盤菜 （Mini Poon Choi）（$198）點擊圖片放大 有齊鮑魚、花膠、海參、大冬菇、魚蛋、蘿蔔及西蘭花，再蓋上一層層的瑤柱芡汁，材料真係好豐富，仲要有大大碗白飯，個瑤柱汁用來拌飯一流。 咕嚕蝦球配絲苗白飯 （Deep-fried Shrimp in Sweet and Sour Sauce with Steamed Rice）（$188）酸酸甜甜的，啖啖肉吃得毫無負擔，又是一道上佳的下飯菜，但份量就少了點。 植物肉芝士漢堡配薯條 （Impossible Meat and Cheese Burger with French Fries）（$178） 以往食素肉，都是感覺太鹹，但今次卻絲毫沒有過鹹的情況，包的質感軟熟，放上已半溶芝士及新鮮蕃茄片，吃得囝囝好滿意。 炸魚薯條 （Fish and Chips）（$168）份量幾多，炸得淡雅金黃，薯條微脆，有水準，炸魚香口而不過火，外層脆漿恰到好處。 朱古力慕絲漢堡配鮮果（ Chocolate Mousse Burger with Seasonal Fresh Fruits）（$78） 以為是普通的漢堡包，睇真先知原來係甜品，底面層的包其實係慕絲，中間的芝士及菜蔬其實係朱古力，中間的肉是脆脆混和朱古力，內藏有 raspberry 醬，以酸度降低甜度，整個賣相都好神似。 焦糖燉蛋配鮮果 （Crème Brûlée with Seasonal Fresh Fruits）（$58） 杯面的一層焦糖略嫌厚了些少，但燉蛋幾香甜幼滑， 伴碟的 raspberry及草莓微酸，正好起了平衡作用。 凍特濃朱古力（ Iced Chocolate Drink x 2）（$58）雖然兩個套餐都有飲品提供，但早前飲過幾次朱古力，味道不錯，兩個囝囝正好一人一杯。Facebook 專頁 : Ocean Park Hong Kong 網頁 : 香港海洋公園地址: 黃竹坑海洋公園海洋天地電話: 39232161 / 39232323 味道 : 4 環境 : 4 服務 : 4 衛生 : 4 抵食 : 4 位置 : 3 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
