中洲萬豪自助餐一向主打高質的食材，而且餐廳位處43樓，四周景觀毫無阻隔，所以好多客人都喜歡選擇靠窗位用餐。 所以南山尚膳的自助餐並非以平價來取勝，但網上平台購買都是人仔￥488左右，已經比香港好多酒店划算了。 特別另上：點擊圖片放大 烤全羊係自助餐有烤全羊真係好少見，仲可以要求師傅切自己喜歡既部位就更正。 小米粥海參每位客人都會送上一份小米粥海參。 生蠔 食生蠔一定要新鮮，尤其是即開更好，餐廳選用了法國及愛爾蘭兩款即開生蠔，富蠔味又肉爽，最緊要係開蠔師傅只要一見新鮮稍差便即刻丟棄，令人更加有信心。 點擊圖片放大 凍海鮮有鮑魚、沙白、青口、墨魚、羅氏蝦、海蝦及扇貝。 最鍾意食鮑魚，因為已經褪了殼，可以啖啖肉。 刺身有吞拿魚、希靈魚、鯖魚、八爪魚及三文魚。 另外，同樣係三文魚，可以有原味煙燻三文魚、橙味煙燻三文魚、紅菜頭三文魚以及刁草三文魚口味。 湯 雪梨乾燉排骨湯燉湯係我一向最鍾意既菜色，自然不能錯過。 熱食中式雖然香港食生蠔出事，好多人都會敬而遠之，但餐廳一於推出熟食蠔及貝殼類菜色，令客人安心好多。 蒜蓉烤生蠔好有大排檔風味，烤得好香口。 芝士焗生蠔芝士蓋住生蠔，很juicy的口感，值得食完再食。 蒜蓉粉絲蒸天鵝貝蒜蓉加粉絲，基本上可配搭任何貝殼類海鮮，今次係天鵝貝，略嫌未夠肥美。 韭菜花炒蟶子用細蟶子炒韭菜花，令口感多了層次，如果蟶子可以預先去埋殼就好了。 又有非常補身的花膠甲魚以及蒜子燒白鱔，喜歡海鮮的朋友又真的多選擇。 因為仲有椒鹽蝦及豉汁蛤蜊。 麻辣小龍蝦以及蒜蓉小龍蝦兩款小龍蝦可以話每次去都會掃幾round，今次亦不例外，真係好惹味。 西式位於大堂尾位的一角。 有牛肋排、戰斧牛扒、小牛腸、咖哩腸及盆腸，尤其是腸類的口味都幾特別。 簡單些小有香草烤羊扒、西京燒三文魚及照燒汁燴牛舌，太太反而有興趣。 另外有德式烤豬手配酸椰菜、黑松露菌菇豉油撈飯及奶油培根意麵，不過都幾飽肚，試過就算。 串燒不想太飽，可以食一兩條串燒，有牛肉串、羊肉串、魷魚串、節瓜串以及茄子串。 Carving Station 即煎鐵板鵝肝，夠晒油香，不過好邪惡，一件起兩件止。 又有羊扒、牛扒、牛仔骨、鯧魚、羅漢魚、鯛魚以及紅衫魚，品種都好多，不過個人都係覺得牛仔骨最啱我。 原先麻辣海參屬於熱食類，但實在忍不住，淥了碗麵，再拌以麻辣海參，效果不錯，大家可以試試。 另外有中式燒臘、清炒芥蘭苗及燒雞。 火鍋可能內地人比較喜歡食火鍋，好多時都會係自助餐中出現。 湯底有清湯及小米粥，兩款都試了，似乎粥底較好，因為灼完食物又可以飲。 本身有4色攢盒提供，已經有肥牛、牛胸油、屌龍及羊西冷。其他有木耳、冬菇、金菇、菠菜、西洋菜、娃娃菜、生菜、響鈴、萵筍、薯仔及蓮藕。 麵檔有桂林米粉、鹼水麵及菠菜麵，配料有牛丸、海蝦、魚片、牛柏葉、鵪鶉蛋、沙白、蛤蜊、海參及鵝腸，其實麵檔配料跟火鍋是互通的。 若果想多點口味，大可加辣椒炒肉、榨菜肉絲、豬肉雜醬或蘿蔔炆牛腩。 沙律想清清地可以DIY田園沙律。 芝士及凍肉有莎樂美腸、煙燻豬里脊、煙燻雞胸肉及煙燻巴沙魚，自己興趣不大。 撈汁小海鮮近排內地自助餐都多見有撈汁海鮮，今次有辣汁花膠、雜錦海鮮沙拉及辣汁小八爪魚，自己始終比較喜歡新鮮海鮮。 甜品 旋轉雪糕機內是品牌T‘ oBeray林佰瑞雪糕。 口味有抹茶、芒果、香芋、香草、草莓、 Oreo、朱古力、榛子、芒果、海鹽、tiramisu 及Rum Raisin，十二款口味，有本事就試晒佢。 即焗梳乎厘真係要即食，一過氣就塌晒。 點擊圖片放大 甜品區有麵包布甸、芒果布甸、黑芝麻慕絲Mont Blanc 蛋糕、藍柑酸奶慕斯、草莓紅絲絨蛋糕、蘋果酸奶芝士蛋糕、伯爵茶巧克力慕絲藍莓芒果慕絲、藍莓芝士蛋糕、紅絲絨蛋糕、抹茶歌劇院及順德雙皮奶。 Chocolate Fountain最受小朋友歡迎，除了雪糕，就一定係朱古力噴泉，因為可以自己用水果或棉花糖蘸點朱古力醬嘛。 飲品點擊圖片放大 酒類除了紅白酒外，又有扎啤（德式小麥及百香果味）。 其他飲品有比較特別的手打檸檬茶及港式奶茶。 以及鮮榨哈密瓜汁、西瓜汁、冰凍葡萄汁、西柚汁及蘋果汁。 水果有切好的楊桃、少見的大樹菠蘿及人參果，還有菠蘿、蜜瓜、西瓜及蘋果。酒店專頁 : 中洲萬豪酒店酒店地址 : 廣東省深圳海德一道88號電話 : +86 755 8666 6666想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
