「蛇年」已在倒數中，大家即將迎來「馬年」，未知大家訂了檯跟家人食團年飯未？ 話就話香港飲食業市道差，但每逢大時大節，有些消費總是要付的。 坊間都有不少餐廳已經要翻檯，分作兩輪飯局，這是無可厚非的。 但最慘係一味要求客人食團餐，上菜又亂次序，餐桌間能擺多一張就擺多張，結果往往食到一頭煙同埋貴。 有時候去酒店中菜反而可以坐得舒舒服服，未嘗不是一個好選擇。 今次介紹位於灣仔會議展覽中心的中庭中菜廳。 餐廳早前大修，而且換了師傅，菜色果然有點不同，味道與賣相是有進步。 前菜 Appertiser 麻辣花膠方雞| 桂花蜜味豚肉叉燒| 意大利黑醋蜜瓜香前本地松阪豬 以乾冰營造出仙氣縈繞的視覺效果，不錯。 麻辣花膠方雞辣度恰到好處，中間的一片花膠滑溜可口，置底是雞肉凍，層次分明。 豚肉叉燒本身鬆軟有嚼口，但個人偏好多點肥肉及焦香。 蜜瓜片帶來了甜美的味道，松阪豬肉味濃及軟熟，很有趣的配搭。 川芎白芷天麻燉大魚頭湯 近日都吃了不少魚頭的菜色，這個湯真的很適合女士們享用，對身體極好，火喉又足，幽香四散。 海皇炒鮮奶火喉控制得好好，炒得好嫩滑，加入蝦仁及帶子肉，口感多了層次，鮮奶又嫩滑，放上了甜豆及蟹籽，令色澤更豐富。 紫圖蜜汁火方改良版的蜜汁火肪，以蜜糖燴過的火腿片多了一份甜香，咸度亦降低了，以紫薯搓成的包皮，有點像手袋，放入炸過的腐皮及火方一齊食，滋味無窮。 臘八蒜蓉蒸原隻開邊龍蝦龍蝦看得出是新鮮貨，肉質雪白有彈性，置底的薯粉口感Q彈，沾上了龍蝦汁，份外覺得惹味。 金枝芙蓉蟹肉炒河粉蟹肉份量好多，與滑溜的河粉好匹配，而且玻璃芡推得恰到好處，不錯。 「荷塘見鲤」- 牛油果牛奶慕斯賣相好靚，雖然條鯉魚是最後放上去，但造型又幾神似，下邊是牛油果牛奶慕斯，甜而不膩，如果可以再輕盈點會更好。 今個新年，想搵間好餐廳食團年飯，大可將中庭加入考慮之列。地址 : 灣仔港灣道1號香港會議展覽中心1樓 電話 : 25827332 味道 : 4 環境 : 5 服務 : 4 衛生 : 4 抵食 : 4 位置 : 4 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
