新年快到，想同親友好友食餐好既，但又懶得郁手，盆菜又食厭，出街食都未嘗不是一個解決辦法。 新春菜色就一定意頭先行，灣仔合和酒店的合和軒，都有不少充滿祝福意頭的賀年菜色。 富貴鮑撈起（鮑魚三文魚撈起）（$328）材料豐富，包括有鮑魚絲、三文魚片、琥珀合桃、髮菜、海蜇、紅椒絲、京蔥、蜜瓜、青瓜以及甘筍絲，切得工整，排列得井井有條，色彩繽紛，大家一齊把食材高高舉起拌勻，並說出祝福語，真是充滿儀式感，而且口感複雜有層次，價錢仲相當合宜，作為賀年菜必選。 財源滾滾來（吉列蟹子百花球）（$238）其實是喜宴席間的炸蟹鉗換成了迷你版，一口一件好方便，不過內裡的蝦膠真係好熱，咬落真係要小心。 家肥兼屋潤（古法東坡肉）（$188）可以話係健康版，冰肉層較薄，所以油香會比較少，而醬油扣得入味，但個人覺得再稔身點會更好。 一品砂鍋炒飯（$268）又係有好豐富材料，有瑤柱、帶子、蝦、蟹肉及菜頭粒，炒得非常乾身，而且粒粿分明有嚼口，最後再係飯面灑上火腿碎，多了一份咸香味道。 酥皮蛋撻仔（$20/隻）又係即叫即焗，蛋香好足，酥皮有種一咬即化的感覺，好味。#合和酒店 #灣仔全新地標 #合和軒 #香港美食 #灣仔美食 #香港好去處2026 #HopewellHotel #DiscoverHongKong #ANewLandmarkInWanChai #HeartOfWanChai #HopewellInn #hkfood #hkfoodie 地址: 香港灣仔堅尼地道15號合和酒店20樓電話: 26203288 味道 : 4 環境 : 5 服務 : 4 衛生 : 5 抵食 : 4 位置 : 5Facebook : 合和酒店 酒店專頁 : 合和酒店 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
