過完聖誕節，好快就到新年，團年飯就一定會食，怕麻煩不想自己動手，當然係出街食最好，不過又怕食團餐，限時分兩時段之餘，又係蒸魚炸子雞排隊上，早前就試了深圳福田香格里拉的香樂園賀年菜。 點擊圖片放大 其實早係十幾年前，香樂園仲係舊位置時，已經同朋友經常光顧，對菜館的出品一直都好有信心，家陣雖然換了主廚，但出品依然出色。 點擊圖片放大 幾款餐前小食非常出色，食落香脆。點擊圖片放大 風生水起撈財鮑魚(￥328)近年香港都大熱 "撈起"，新年菜又點可以無份？ 上檯到盡見刀功，食材切得幼細，色彩繽紛，三色彩椒、洋蔥及京蔥排列整齊，鮑片薄切令口感更佳，食之前澆上醬油，然後大家一齊把食材“撈起”，寓意新一年風生水起，身體健康。 魚頭佛跳牆盆菜 （富貴有魚）(￥1988/10位)沈師傅的淮揚菜極之出色，就連盆菜都加入了當地的氣息。 賣相澎湃到不得了，六斤重魚頭半份上，就算得三斤都令人咋舌，原鍋上冒著熱氣，放上鮑魚、海參、白鴿蛋及鮮蝦，食材名貴又惹味，魚頭毫無腥味或泥味，醬汁伴以一口白飯，好味。 蔥香八寶葫蘆鴨 （福祿壽喜）(￥688)又是一道意頭菜，鴨子取其"葫蘆"之形，非常神似，內裡是八寶鴨餡料，由內而外都炆得軟稔，輕輕用筷子一戳就可以夾起，脂肪都溶入餡料之內，當然是配上一壺香濃的普洱消膩。 再來一道不在菜牌上的小菜，但毫不簡單，驟眼看是文思豆腐羮，但原來是一道甜品，豆腐絲已盡見刀功，泡在紅棗水裡，而置底的是薑汁撞奶，仲要係薑味足又滑，真係有驚喜。 蟹粉獅子頭 （鴻運當頭）(￥88)手刴豚肉當然無得輸，肥瘦比例按天氣作出調較，更顯得細心，中間加入新鮮蟹粉，軟稔可口，湯底更是清澈鮮甜，以蠟燭檯保溫，可以慢慢享受，真美妙。 陳皮紅豆沙方糕 （步步高升）(￥58/六顆)新年食糕點，寓意"步步高升‘’是常識吧！方糕是用糯米粉搓成，而糯米粉更是由總廚沈小磊親自磨成粉，誠意十足，壓模工整之餘，蒸得啱啱好，外層沒有爆開，咬落滿有米香，內裡的陳皮紅豆沙既香且滑，傳統風味表現出色。 香樂園是個人係深圳多年來都非常欣賞的中菜廳，價錢亦在合理範圍內，大家如果想係深圳食團年飯，不妨考慮一下。酒店專頁 : 深圳福田香格里拉 酒店地址 : 廣東省深圳福田區益田路4088號 電話 : +86 755 8828 4088想知道更多深圳資訊 : 深圳美食玩樂團(更新版) 大灣區吃喝玩樂齊分享 小紅書 : 美食焚化爐 IG : foodiephilip 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
