好快就做聖誕節，大家會同朋友或家人去邊度慶祝？早前就同朋友去了灣仔六國酒店Le Menu，預先慶祝了聖誕節。今次佢地主題係【極緻細嚐･華麗自助晚餐 - 龍蝦･鴨肝･佛跳牆】。 大家好關心既收費問題，因為不同日子有不同價錢，所以直接出相等大家睇仲好。 言歸正傳，都要知道食物質素，對嗎？ 海鮮 有開半波士頓龍蝦，500gm左右size，喜歡的，大可挑多蝦膏的品嚐。點擊圖片放大 另外，又有加拿大雪花蟹腳、麵包蟹、青口、翡翠螺以及熟蝦，種類算多，不錯。 刺身 是看得出的進步，因為有赤貝、甜蝦、八爪魚、鯛魚、劍魚以及三文魚，解凍處理得好好，毫無雪味，食得過。 湯 每位客人都有一張佛跳牆卡，憑卡可取一盅熱辣辣的佛跳牆，內裡有齊鮑魚、海參、瑤柱及花膠，湯色清澈，入口鮮甜，真係連湯渣都消滅了。 龍蝦湯很濃稠的質感，入口絲滑，配麵包一流。 鐵板燒 即煎鴨肝多士，油脂滿滿，入口即化。 其實建議大家可以一次過要齊虎蝦、牛柳粒、蒜茸雞扒、豬扒、牛脷串、雞軟骨串、多春魚同埋鮮菠蘿。 個人推介牛柳粒、虎蝦、雞軟骨同菠蘿， 肉車區 當然少不了聖誕火雞，切了兩片，感覺比起海南雞是較為結實，沒問題，都是氣氛為主。 滿有聖誕氣氛的還有蜜汁菠蘿焗火腿及威靈頓牛柳。 牛魔王當然要來一片燒肉眼扒。 坊間好多都係片皮鴨，但Le Menu卻是片皮鵝，皮下脂肪較多，油香更好。 熱葷 芝士蘑菇焗蟹蓋雖然及不上中菜廳單點多蟹肉，但都是誠意之作，芝士味幾香。 鹹蛋黃金蝦好邪惡，蝦殼脆卜卜好入味。 煎比目魚配白酒忌廉汁(銀獎菜式)啖啖肉少碎骨，好啱老人家。 龍蝦海鮮瑪莎曼咖哩、蔥餡拉餅除了好多海鮮料，仲可以用拉餅蘸汁食，好惹味。 點擊圖片放大 其他熱葷有薑蔥炒龍蝦鉗、酥炸生蠔、香煎芙蓉蟹、蠔皇扣海螺片、紅燒獅子頭、蜜餞金沙骨、上湯菜膽雞、白汁燴雞皇、龍蝦海鮮茶碗蒸、意式炒雜菜、瑤柱鮮蝦蛋白炒飯及肉醬意粉。 點擊圖片放大 沙律類有龍蝦三文魚藜麥沙律、龍蝦蟹肉香芒沙律、燒牛肉菠蘿沙律及凱撒沙律，想清清地應該試下。 Cold Cut有豬肉凍批、煙鮫魚、煙燻黑椒牛肉、凍火雞碟、莎樂美香腸、煙三文魚及意大利火腿。 甜品區 哈根大師雪糕有迷你版雪糕芒果紅桑子雪糕、朱古力雪糕、士多啤梨雪糕、雲呢拿雪糕以及曲奇雲呢拿雪糕。 點擊圖片放大 係凍櫃放滿了檸檬撻、聖誕樹頭蛋糕、紅絲絨蛋糕、聖誕杯子蛋糕、朱古力蜜柑慕絲蛋糕、椰汁西米糕 、核桃批、意大利芝士布甸以及Mont-Blanc。 點擊圖片放大 至於旁邊就有泡芙塔、葡撻 、棉花糖、藍芝士撻及即製窩夫，種類都夠多。 其實中間仲加插了廚師即席烹調菜色。點擊圖片放大 當中就有法式龍蝦海鮮酥皮盒 (晚上6:45)，之後會放係熱葷區供大家享用。 而另一道就是火焰雪山 (晚上7:15 / 單數日子推出)。 如果是雙數日子，就會換上法國經典橙酒班戟 (晚上7:15 / 雙數日子推出)。【每逢星期五、六、日及公眾假期都會進行兩款甜品表演】想同朋友過一個開開心心既聖誕節，大可考慮一下。Facebook 專頁 : 六國酒店地址 : 灣仔告士打道72號六國酒店1樓 電話 : 28663808 味道 : 4 環境 : 4 服務 : 4 衛生 : 4 抵食 : 5 位置 : 5 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
