記得早幾年因為身體出了點問題，花費了好一筆錢做手術，事後仔細思量，決定買了一份保險，但可惜遇上了不良經紀，幸好身邊有稔熟的朋友提醒，先可以解決問題。 因為傾談的內容有點私隱，又不想在連鎖快餐店詳談，結果就去了尖沙咀YMCA大堂咖啡座 Mall Cafe傾密計。 講就咁講，其實餐廳下午茶選擇好多，由輕盈到飽肚都有。 一人甜蜜套餐（$100） 五餅二魚甜品拼盤配咖啡或茶畢竟係有教會背景，食物帶點宗教氣息也不為過。五餅是雙重朱古力曲奇、蔓越莓曲奇（含堅果）、伯爵茶曲奇、牛油曲奇、咖啡曲奇以及二魚是芒果布甸同埋椰汁西米布甸。全部都是homemade，誠意十足，輕輕鬆鬆的消磨時間最佳選擇。 日式虎皮瑞士卷配Messy特色咖啡（單點$73）如果單點Messy都要$73，即係加多些少，就有件虎皮瑞士卷。 亮點當然係充滿儀式感的咖啡，水蒸氣把棉花糖溶化，再滴落咖啡中，真不錯。 點擊圖片放大 第三款是朋友的開心果閃電泡芙配Silky港式奶茶。 牛油雞翼（$68/4隻）同行朋友摰愛，可以話係每次必點菜式，雞翼選上大大隻體形，外層炸得酥香，油份又瀝得清，熱辣辣上檯，一口咬落，滿有牛油香味，配上一杯香濃的咖啡，令這個下午有種放空的氛圍。 紅絲絨蛋糕（$52）聽說近日已下架，真係覺得好可惜，因為配埋咖啡連加一都係$60左右，已經坐得舒舒服服，蛋糕內裡有漬過的車厘子，多了一份甜香而濕潤的口感，真心覺得好食。 雖然餐廳不及附近的名牌酒店，但一百幾十，可以坐得舒舒服服，放空一下都幾好。Facebook專頁 : 港青咖啡座 地址 : 尖沙咀梳士巴利道41號香港基督教青年會地舖 電話 : 2268 7819 味道 : 4 環境 : 4 服務 : 5 衛生 : 5 抵食 : 5 位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
