一到10月，就會諗起囝囝細個時最開心既「萬聖節」，因為可以同佢扮鬼扮馬去參加活動，最記得大仔就扮小飛俠，細仔就小熊維妮，當年仲未興淘寶，所以要四周圍搵，都有好多回憶。 如果想感受氣氛，相信海洋公園一定係最佳地點。 而且六點後入場食飯，仲可以免費行下，感受鬼影憧憧的氣氛，當然，園內山下山上六間鬼屋係要另外比錢的。 今次未講園內六大鬼屋，先講下有乜野食。 山下的Ginger Grill推出一個勁抵食「瘋魅盛宴」套餐，有湯有主菜都係$278，平日係茶餐廳一碟飯都隨時60/70蚊啦，家陣仲要係三道菜，你無聽錯，係三道菜，就算加埋一都係$300左右，真划算。 「絞盡腦汁」其實係蕃茄凍湯配帶子慕斯，蕃茄湯好濃稠，凍凍地帶微酸，令人胃口大開，為了切合主題，帶子慕絲做成腦袋一樣，泡浸在血水中，只要放下心理包伏，便會吃得開懷！ 點擊圖片放大 「狂野南神」一揭開蓋，便有煙霧縈繞的效果，可愛的迷你南瓜頭，放上了豬仔，旁邊的肉骨其實是骨意式燴牛尾及，手掌形的蝦餅配以香茅南瓜汁，又幾有心思。 「出土芙蓉」前菜及主菜之後，當然係甜品，骷髏頭的椰汁布甸，放在竹炭曲奇之上，顯得有點詭異。 凡惠顧以上哈囉喂套餐可免費獲得「骷髏奇盒」朱古力盲盒（原價$36/盒） 「屍骨魅寒」（$88）飲用之前，麻煩把金箔糖霜注入雪碧及利賓納的骷髏骨杯內，徐徐攪拌後，會出現銀河一般的效果，充滿了儀式感，這款無酒精飲品，真係睇得又飲得。 「明目獄骨茶」（$98）杜松子酒、龍舌蘭酒、橙味利口酒、九龍醺店（檸檬茶酒）可樂及檸檬汁，隻眼球真係好有趣。 「狂歡派對」（$88）以菠蘿汁、檸檬汁及雪碧調配的飲品，就最啱小朋友，除了飲品酸酸甜甜又芳香，個’派對紀念杯‘’仲會送埋比你，成件事係咪開心好多呢？ 意猶未盡又可以追加，畢竟價錢都合理。 泰式香茅雞翼（$98/4件）既香口又大隻，不過幾熱氣下，最啱送啤酒。 泰式大蝦炒金邊粉（$218）有兩個勁大隻又香脆既虎蝦，金邊粉好惹味，而且乾身，毫不油膩，好味。 泰式炒椰菜苗（$118）新鮮翠綠，食得重口味野多，都要清清腸胃。點擊圖片放大 食到飽飽，當然要出去感受下海洋公園「哈囉喂●全園祭」既氣氛啦！Facebook 專頁 : Ocean Park官方網頁 : 海洋公園地址 : 黃竹坑海洋公園海濱樂園夢幻水都 電話 : 3923 2323 味道 : 5 環境 : 4 服務 : 5 衛生 : 5 抵食 : 4 位置 : 4 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
