早前同太太走了一轉珠海中山四日三晚之旅，探下定居中山的閨蜜之餘，順道去珠海靜靜地二人世界 。 中山三日同朋友夜夜笙歌，真係都幾攰，所以落珠海一於打車，直到酒店都不到￥100，非常划算。 Check in過程相當順暢，效率好好而今次選擇了山景大床房，網上訂連早餐都不過$800左右。 點擊圖片放大 畢竟是品牌酒店，一入房已經見到有 welcome 柿子慕絲蛋糕及水果，相當窩心。 點擊圖片放大 梳洗間跟廁所是分開，也好，使用上較方便，而且洗面盆有兩個，亦有浴缸及企位，想點洗都得。 床更加不得了，勁大張，相信一家三四口齊齊瞓都無問題。 值得一提係房間有送餐服務，價錢更加可以話相宜，因為大部分都係幾十蚊上落。 點擊圖片放大 取了房間見有時間，午飯都未食，即刻上頂樓酒廊試下佢地當時推出既Free Flow下午茶，一個字～抵！ 點擊圖片放大 因為除了十幾款甜品外，飲品都係任飲，四周景色開揚，其實晚上睇住月色氣氛更好。 點擊圖片放大 見仲有時間，一於去健身室踩單車，論設備都好齊全，而且使用的客人不多。 點擊圖片放大 出了一身汗，自然去行政酒廊休息一陣同飲下soft drink。 見時間差不多，上次食自助餐，今次就一於改食中菜。點擊圖片放大 享悅位於二樓，偌大的開放式廚房，望住廚師身手，人都開胃不少。點擊圖片放大 簡簡單單的點了幾樣時令菜色，想不到好啱挑剔型太太口味，尤其是個前菜紅柚板栗鮑魚塔，蝦醬小魚乾啫花生芽，伴飯一流，個功夫黑蒜瑤柱燉烏雞湯，更見醇香，一定要另文同大家介紹。 點擊圖片放大 +5 食完飯又可以到旁邊的創新方商場逛逛，雖然人流不多，但反而有種二人世界的氛圍。 點擊圖片放大 +4 至於第二日起身，因為有訂早餐，可以去咖啡廳享用，不過真係要提提大家，如果太晏起身，隨時要等位，因為又好多野食，推介即製皺皮腸粉，配生滾粥同即炸油條，又可以來一份奄列或淨雲吞，想健康又有蔬菜汁。 點擊圖片放大 +2 食完早餐又可以去游早水，酒店設有戶外同室內恒溫泳池，但戶外泳池就較後時間先開放，不過更衣室設備齊全，有埋桑拿浴室同泡浸池。 中午同樣係享悅用餐，因為餐廳有任食點心，超過50款選擇，全部都是即蒸即製，話就話人仔208，但經網上訂位大約人仔180左右，勁抵食。點擊圖片放大 押上店名的享悅蝦餃皇、黑松露鮮蝦燒賣、和味醬香金錢肚、鮮蝦脆皮紅米腸同雞絲酸辣湯值得一試。點擊圖片放大 酒店有專車去橫琴口岸或港珠澳大橋手，返香港其實都好方便，如果想直接返九龍，係創新方每日都有兩班車落圓方，大家可以上網睇睇。 今次四日三夜之旅，要熱鬧有熱鬧，要寧靜有寧靜，有時候只要安排得宜，近近地都可以玩得盡興。 酒店專頁 : 橫琴凱悅酒店酒店地址 : 廣東省珠海橫琴新區七色彩虹路1295號電話 : +86 756 299 1234想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
