話咁快暑假就過了，大家除了四圍飛出國去玩之外，其實有時候平平地，不如就去深圳玩番次。 因為就算係深圳，都有酒店可以帶比大家陽光與海灘的感覺。 早排就同太太去了中山一轉三日兩夜（會另文分享），同朋友唱K去露天夜市同飲早茶，好玩到不得了，回程時途經華僑城，一邊是世界之窗及錦繡中華，燈光璀璨，氣氛熱鬧，而對面就是華僑城洲際酒店，勾起不少同網友十多年前食自助餐的回憶。 反正都想散散心，就走訪一轉吧！ 酒店係正華僑城站旁邊，走過對面就是，前後不到一分鐘，方便到極。點擊圖片放大 由於早到，酒店未有房，講聲放低行李過對面就有食街，不過就好靜，都好，可以慢慢搵餐廳。 點擊圖片放大 食完飯過返酒店時間啱啱好。 點擊圖片放大 +3 今次選擇了雙床房間，地方非常闊落，日用品一應俱全，就連飲用水都有兩款提供，非常貼心。 點擊圖片放大 房間有一特點，就是有個露台，仲要非常開揚，下邊就是錦鯉魚池，小朋友可以買魚粮去餵飼，幾百條魚蜂擁而至搶食的場面好壯觀。點擊圖片放大 而且每一層都有專用電梯落去泳池，著住泳衣都無須穿過大堂比人眼望望。 點擊圖片放大 而再遠些少，就係全深圳市唯一的人做沙灘泳池，的確吸引了不少小朋友在玩沙，大人則曬太陽，池邊遠處仲有一隻大帆船做點綴，更加令人彷彿去了加勒比海的海旁，現場更有不少水上玩意出租，非常方便。 就算是下著雨都不怕，因為另有室內泳池，連接戶外位，家長大可在太陽傘下慢慢嘆。點擊圖片放大 沿住行人道走，中間仲有即製泡泡池，成支大炮狂噴泡泡，大人細路玩到停不了手。 作為度假酒店設備當然多，兒童遊樂場除了水上樂園式遊戲，更設有大水桶玩意，每到一個時間，儲足水便會傾瀉而下，場面好壯觀。 而且仲有小火車係園內走動，真係好啱小朋友。 晚餐就選擇了酒店內的 Mercado 廣場咖啡廳食自助餐。 餐廳以西班牙市集作主調，大堂兩邊各有一座類似燈塔的建築物，沿樓梯而上，會有一張供8位以上的大檯，當年我攪飯局時，都試過一次，感覺好得意。 點擊圖片放大 講返自助餐，好多人都會覺得食物種類差不多，但我想講一句，作為一間度假酒店，小朋友特別多是正常，最難得是全場爆滿而每款食物refill得好快，種類又多，飲品區、熱葷區、海鮮區及甜品區各自獨立，客人可以分散不同各落，所以好少人排隊，而且好多食物都顧及小朋友，尤其是果汁類及其他飲品更是超過20種。 係深圳食生蠔相信好多人會怕怕，但係即開生蠔而並非半殼蠔，相信會令人增加不少信心，講真，我掃了半打法國蠔，事後完全無野。 點擊圖片放大 +2 海鮮類先有魚類即叫即煮，包括了 酸湯石斑魚、刁草奶油三文魚、油浸三文魚、潮式雜魚煲、咖哩魚 蝦湯石斑魚、泰式烤爐魚、日式秋刀魚及梅乾菜蒸黃花魚，有不同魚類及烹調手法，仲要係free flow，成件事係咪好正呢？ 點擊圖片放大 另外，仲有游水海鮮即蒸，有海蝦、瀨尿蝦、扇貝及三點蟹，海鮮陣容超豐富。點擊圖片放大 而凍海鮮有三點蟹、青口、東風螺、扇貝、羅氏蝦及海蝦，我諗單係食海鮮已經飽。 刺身類反而選擇不多，只有三文魚、吞拿魚及希靈魚，大概是內地客比較喜歡吃熟食吧！ 至於我最鍾意飲既燉湯，係好夠火喉既蟲草花燉竹絲雞，入口一陣醇香，好好飲。 熱葷相信次次不同就不再詳細講，但我鍾意食澱粉質就好多人都知，今次就淥碗喇沙，本身已經有蝦、蛋及鮮魷，自己喜歡的，可以加埋即蒸海鮮，會更加豐富。 點擊圖片放大 鐵板燒又係勁受歡迎，牛、羊、豬、雞、蝦及肉腸，應有盡有。 至於水果及甜品，正所謂有圖有真相，夠多而且水準不錯。 單點每位人仔￥463，係深圳不算便宜，但質素取勝。 點擊圖片放大 飯後見仲有時間，搭地鐵去行下益田假日廣場，其實同其他廣場一樣，都係以吃喝玩樂為主，夾下公仔。點擊圖片放大 之後買外賣返酒店開餐，都幾方便。 第二朝起身，套票包早餐，當然又係尋日間餐廳。 可能早到，餐廳暫時得一半滿，不過到我離開時，已經全full，門口仲要有人排隊，真誇張。點擊圖片放大 同晚餐大不同，基本上多主食，即拉皺皮腸、各式蛋類，例如煎雞蛋、滷水蛋、班尼廸、炒蛋、水波蛋及蛋卷。 點擊圖片放大 其他有即煮粉麵、蒸點心及生滾粥，奶類製品及麵包類亦不少。 點擊圖片放大 最開心係有即榨果汁，客人可以自行挑選自己喜歡的水果，放在水果籃，然後放係水吧，自然有服務員代勞，又係一個加分點。 食完早餐，當然係四圍行下，畢竟戶外地方好大，吸下新鮮空氣，人都精神好多。 點擊圖片放大 中間見有時間，走去健身室踩單車，話時話，雖然酒店都有歷史，但設備都好新同保養得好好，完全無話有破損，非常好。 由於之前一日要求辦理延遲退房，所以順便食埋brunch。 用餐地點就在泳池邊，可能天氣太熱，服務員窩心地推出大型風扇，感覺的確涼快不少。 先來一jar冰涼透心既 Sangria，呷一口，少少酒意真舒服。 頭盤是清新健康的藜麥蔬菜牛油果沙律配homemade煙燻三文魚。點擊圖片放大 再來是Egg Benedic，處理得比早餐時更細心，有流心的出現，對辦。 點擊圖片放大 +4 肉類是烤牛肋骨、三角肉、春雞、龍蝦、元貝及烤時蔬，配上蛋黃醬黑椒汁及香草汁，包含了海、陸、空的菜色，而且是當面即烤，充滿了儀式感。 最後是以清香怡人的檸檬雪葩配水果作壓軸。 其實無須住客都可以食野加游水，因為有套票。整個行程令我有陽光與海灘的感覺，食同玩都好豐富，有時候都要同太太放鬆下，就算抽不出時間去外國，深圳都係一個幾好既選擇，想幾時行，執兩件衫就走得，好方便。酒店專頁 : 深圳華僑城洲際大酒店酒店地址 : 中國深圳市華僑城南山大道9009號, Shenzhen, China電話 : +86 755 3399 3388想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
